Adhemar Ferreira da Silva, nado en São Paulo o 29 de setembro de 1927 e finado na mesma cidade o 12 de xaneiro de 2001, foi un atleta brasileiro especializado en triplo salto. Gañou dúas medallas de ouro, unha nos Xogos Olímpicos de Helsinqui 1952 e outra nos Xogos Olímpicos de Melbourne 1956, e conseguiu catro plusmarcas mundiais, a última en 1955 con 16,56 metros.
Traxectoria Naceu nunha familia pobre, e comezou a practicar o triplo salto en 1947. Baixo as ordes do adestrador alemán Dietrich Gerner pronto demostrou o seu talento, conseguindo a marca nacional e unha praza no equipo brasileiro de atletismo para os Xogos Olímpicos de 1948 celebrados en Londres, onde conseguiría a décimo cuarta praza. Catro anos máis tarde, nos Xogos Olímpicos de Helsinqui de 1952 logrou a súa primeira medalla de ouro grazas aos 16,22 metros saltados, revalidou a medalla de ouro nos xogos de Melbourne de 1956 cun salto de 16,35 metros.
En 1959 actuou na película Orfeo negro, do director francés Marcel Camus, a cal logrou o Óscar ó mellor filme en lingua non inglesa ese mesmo ano.
Plusmarcas do mundo 16.01 metros (30 de setembro de 1951, Río de Xaneiro) 16.12 metros (23 de xullo de 1952, XX.OO de Helsinqui) 16.22 metros (23 de xullo de 1952, XX.OO de Helsinqui) 16.56 metros (16 de marzo de 1955, Xogos Panamericanos de 1955 en Cidade de México)
Véxase tamén Ligazóns externas Adhemar Ferreira dá Silva na Confederación Brasileira de Atletismo. En memoria de Adhemar Ferreira dá Silva.
Categoría:Atletas olímpicos do Brasil Categoría:Saltadores de lonxitude Categoría:Medallistas olímpicos de ouro polo Brasil Categoría:Nados en São Paulo Categoría:Medallistas olímpicos en atletismo Categoría:Nados en 1927 Categoría:Finados en 2001 Categoría:Medallistas nos Xogos Olímpicos de 1952 Categoría:Medallistas nos Xogos Olímpicos de 1956 Categoría:Atletas nos Xogos Olímpicos de 1948 Categoría:Atletas nos Xogos Olímpicos de 1952 Categoría:Atletas nos Xogos Olímpicos de 1956 Categoría:Atletas nos Xogos Olímpicos de 1960