Dinosaur é o álbum de estrea da banda estadounidense de rock alternativo Dinosaur Jr., editado en 1985 a través do selo Homestead Records.
Este álbum debut do grupo mostra unha música máis folkarra do que se dá en traballos posteriores, aínda que algúns temas teñen uns toques hevis, aproximándose ao heavy metal, como por exemplo "Does it Float", "Mountain Man", e "Bulbs of Passion".
Sacaron este disco cando aínda se chamaban simplemente Dinosaur, antes de que legalmente se tivesen que pór Dinosaur Jr, sendo, pois, o nome do álbum homónimo ao da banda, daquela.
Recepción As críticas do álbum foron de neutrais a positivas. Nunha recensión retrospectiva para AllMusic, Stephen Thomas Erlewine deulle ao traballo 3 estrelas de 5, describindo Dinosaur como un traballo con algunhas cancións destacadas pero en xeral como "impresionantes, pero desiguais" debido á loita da banda por integrar hardcore punk e hard rock con toques de música experimental. Pitchfork Media puntuouno cun 6,2 sobre 10, describíndoo como "un fodido desastre" con cancións demasiado longas inspiradas en demasiados estilos como para ser consistentes.
Listaxe de cancións Todos os temas escritos por J Mascis.
"Bulbs of Passion" non estaba incluído na versión orixinal; foi unha cara-b do sinxelo de "Repulsion". En seguintes reedicións de fitas e CDs engadiuse como última canción. Na versión do 2005 de Merge Records púxose a "Bulbs of Passion" como primeiro tema, ademais dun directo de 1985 de "Does It Float" como bonus track fechando o álbum.
Persoal J Mascis - voces, guitarra, percusión Lou Barlow - baixo, voces, sintetizador Murph - batería, voces, sintetizador Chris Dixon e Glen - enxeñeiros Jason Talerman - fotografía Maura Jasper - Cuberta Lou Barlow - Cuberta de atrás
Notas
Categoría:Álbums de Dinosaur Jr. Categoría:Álbums musicais de 1985 Categoría:Álbums de estrea Categoría:Álbums de Homestead Records