Reitoru ou Te Pirehi, é un atol das Tuamotu, na Polinesia Francesa. Está situado no centro do arquipélago, a 50 km ao suroeste de Hikueru, e pertence á comuna de Hikueru.
Xeografía
A lagoa interior está pechada sen paso navegable algún cara ao oceáno. A superficie é de 1´39 km². O atol está habitado por un pequeno grupo de dez persoas dedicadas ó cultivo e a colleita de perlas e de copra. Non ten ningunha infraestrutura.
Historia
O atol foi descuberto polo francés Louis Antoine de Bougainville en 1768. O ano seguinte, o inglés James Cook chamouno Bird Island porque os paxaros eran os únicos habitantes que atopou. Durante o século XIX e comezos do XX foi un importante centro para os mergulladores que colleitaban perlas. En 1903 o atol quedou mergullado durante un ciclón provocando a morte dun centenar de persoas.
Categoría:Atois de Tuamotu