O subidor do norte (Certhia familiaris) é un paxaro de pequeno tamaño da familia dos subidores (Certhiidae).
Descrición Os subidores do norte están entre as aves máis pequenas de Europa e son moi semellantes os subidores comúns. Dos que é moi difícil diferencialos a.simple vista . Miden entre 12 e 13 cm., e pesan .uns 9 gramos. O seu bico, aguzado e curvado cara a abaixo, mide de 12 a 14 mm. A cola é relativamente longa, medindo ata 5 cm. A plumaxe é branca na parte inferior do corpo; na superior e da cor da casca das árbores. Teñen unha marca superciliar branca . Femias e machos son semellantes de aspecto. Os subidores do norte poden vivir ata sete anos.
As subespecies hodgsoni, mandellii e khamensis, da beira sur do Himalaia, foron clasificadas recentemente dentro dunha especie separada , o subidor de Hodgson (C. hodgsoni) (Tietze et al., 2006).
Distribución e hábitat Viven en boa parte da Europa temperada e en partes de Asia. En xeral máis ó norte có subidor común, co que, porén, coinciden nunha ampla zona da Europa occidental. É a única especie de subidor presente nas illas Británicas e en máis de Escandinavia.
Viven en zonas boscosas, con preferencia polos bosques de coníferas ou os mixtos Nas zonas onde ámbolos dous coinciden, o subidor común adoita preferir as coníferas.
Alimentación Buscan insectos e outros artrópodos que atrapan co bico (especialmente xeitoso para este tipo de tarefa) entre a casca das árbores agatuñando en espirais polos troncos.
Reprodución Maduran sexualmente ó ano de idade. A época reprodutora va ide marzo a xullo. Fan un niño de coteliños, musgo, pelos de mamífero e plumas, agochado entre cascas soltas das árbores. Poñen entre 5 e oito ovos, que chocan nas femias unhas dúas semanas. Os polos tardan 14 ou 15 días en deixa-lo niño, pero son coidados polos pais aínda durante un tempo.
Galería de imaxes
Notas
Véxase tamén Biografía Tietze, Dieter Thomas; Martens, Jochen & Sun, Yue-Hua (2006): Molecular phylogeny of treecreepers (Certhia) detects hidden diversity. Ibis 148 (3): 477-488
Ligazóns externas
O subidor do norte na "Lista vermella de especias amenazadas"" da Videos sobre a especie na "Internet Bird Collection""
Categoría:Cértidos Categoría:Animais descritos en 1758 Categoría:Aves de Eurasia