Juan Camilo Mouriño Terrazo, chamado Iván, nado en Madrid o 1 de agosto de 1971 e finado en Cidade de México, o 4 de novembro de 2008, foi un político e economista mexicano de orixe galega.
Traxectoria Formación e política Foi fillo de Carlos Mouriño, o empresario vigués que na actualidade é presidente do Real Club Celta, e de Ángeles Terrazo, tamén de orixe galega. Os primeiros anos da súa vida pásaos en Madrid, e aos 7 marcha para México D.F. acompañando os negocios do pai. Logo mudan a Campeche, onde establecen a súa casa. Aos 18 anos escolle a nacionalidade mexicana, licénciase en Economía na Universidade de Tampa (Florida) e despois obtén un máster en contabilidade pola Universidade de Campeche.
Nese tempo é secuestrado e a seguir comeza a súa andaina política militando no Partido Acción Nacional. Inicia a súa carreira na asemblea do estado de Campeche, como deputado, e en 2000 faise coa acta de deputado no congreso mexicano. Nas eleccións de 2003 ao estado de Campeche preséntase como candidato do PAN, pero sae derrotado polo priísta Fernando Ortega Bernés.
Seguidamente foi nomeado coordinador xeral do ministerio de Enerxía mexicano, que tiña como ministro a Felipe Calderón. En 2005 Calderón renuncia ao cargo para dedicarse a preparar as eleccións presidenciais mexicanas e Mouriño ségueo, primeiro como coordinador xeral da precampaña, logo como coordinador xeral da campaña e logo como vicecoordinador ás ordes de Josefina Vázquez Mota. Logo da vitoria de Calderón, o 1 de decembro de 2006 foi nomeado xefe da Oficina da Presidencia.
O 16 de xaneiro de 2008 o presidente noméao ministro de Gobernación en substitución de Francisco Ramírez Acuña.
Falecemento O 4 de novembro dese mesmo ano 2008, en plena campaña de detencións contra o narcotráfico, falece nun accidente de aviaciónPerfil de Juan Camilo Mouriño, titular de Segob , El Universal, 4/11/08 cando volvía á Cidade de México dende San Luis Potosí. A avioneta, unha Learjet 45 XRTragedia en gobierno de Calderón, El Universal, 5/11/08 na que viaxaban nove persoas, caeu sobre a avenida Paseo de la Reforma da capital mexicana, deixando ademais cinco mortosEl Gobierno mexicano no descarta que el accidente aéreo haya sido un atentado, El País, 6/11/08 e unha corentena de feridos no chan. Na mesma aeronave ía José Luis Santiago Vasconcelos, un alto cargo mexicano responsable da loita contra o narcotráfico e que xa fora vítima de intentos de asasinato en tres ocasións. Porén, as causas do accidente debéronse a un excesivo achegamento da avioneta a outro avión, debido á inexperiencia dos pilotosMéxico revela que el accidente aéreo se debió a un error de los pilotos, El País, 15/11/08Descartan un fallo mecánico en el siniestro en que murió Mouriño , El Correo Gallego, 23/1/2009.
O seu corpo foi soterrado nunha cripta da catedral de CampecheOs restos de Mouriño foron despedidos nun funeral de Estado , A Nosa Terra, 7/11/08, coa bandeira mexicana.
Datos persoais Tiña un irmán e unha irmá maiores, e estaba casado.
Notas
Categoría:Ministros de México Categoría:Políticos de Galicia Categoría:Galegos de México Categoría:Nados en Madrid Categoría:Nados na diáspora galega Categoría:Nados en 1971 Categoría:Finados en 2008 Categoría:Finados en accidente aéreo Categoría:Mexicanos de ascendencia galega