Vincenzo Viviani, nado en Florencia o 5 de abril de 1622 e finado o 22 de setembro de 1703, foi un matemático e astrónomo italiano.
Traxectoria Viviani proclamaba ser discípulo de Galileo, nunha época na que supuña unha valentía. En matemática ocupouse da teoría das proporcións.
Teorema de Viviviani Débeselle un teorema que leva o seu nome, utilizado nos diagramas estatísticos triangulares, e que se enuncia así:
A suma das distancias dede un punto interior dun triángulo equilátero aos tres lados é igual á súa altura.
Obra principal Quinto libro degli Elementi di Euclide, ovvero scienza universale delle proporzioni, spiegata con la dottrina del Galileo, con nuovo ordine distesa (1674); tivo unha segunda edición en 1690).
Dedicou o libro a Leopoldo de Medici, que lle facilitara o coñecemento de fragmentos de Galilei sobre as proporcións.
Na súa honra, un cráter da Lúa leva o seu nome.
Categoría:Matemáticos de Italia Categoría:Astrónomos de Italia Categoría:Nados en Florencia Categoría:Nados en 1622 Categoría:Finados en 1703