En anatomía, unha arteria é cada un dos vasos que levan o sangue desde o corazón ás demais partes do corpo. O nome procede do grego αρτηρία artēría, "tubo", "condución".
As arterias son condutos membranosos, elásticos, con ramificacións diverxentes, encargados de distribuír por todo o organismo o sangue expulsado en cada sístole das cavidades ventriculares.
Cada vaso arterial consta de tres capas concéntricas: Externa ou adventicia: de tecido conxuntivo Media: composta por fibras musculares lisas e fibras elásticas Interna ou íntima: constituída polo endotelio e unha capa conxuntiva subendotelial.
A nutrición destas túnicas ou capas corre a cargo dos vasa vasorum; a súa innervación, dos nervi vasorum (fenómenos vasomotores).
Véxase tamén
Outros artigos círculo arterial periescapular
Categoría:Anatomía Categoría:Arterias Categoría:Anxioloxía Categoría:Vasos sanguíneos