Sucira é un lugar da parroquia de Sucira no concello coruñés de Boqueixón, na comarca de Santiago. Segundo o padrón municipal (INE 2013) ten 35 habitantes (16 homes e 19 mulleres).
Compoñen Sucira as seguintes casas: casa de Santos, casa de Campos, casa de Veleiro, casa de Xacinto, casa de Puga, casa de Carocha, casa do Zapateiro, casa de Camilo, casa de Lareo, casa de García, casa de Rei e casa das Viñas. Ata os anos sesenta houbo unha casa do Cura pero desfíxose coa concentración parcelaria.
A aldea de Sucira acolle a igrexa parroquial, que ten espadana e dúas campás mercadas nos anos corenta en Arcos da Condesa, nas campás fogira a data e lugar de feitura. Ten unha carballeira cunha área recreativa e palco para orquestra. As terras do redor chámanse Chapurrín, Os Prados, Pardiñeiro, Os Caseiros, A Pereira, A Avieira, A Carballeira e O Matiño.
Lugares e parroquias Lugares de Sucira
Parroquias de Boqueixón
Categoría:Lugares de Boqueixón