Tomás Regalado, nado en Santa Ana o 7 de novembro de 1861 e finado en El Entrecijo (Guatemala) o 11 de xuño de 1906, foi un militar e político, presidente do Salvador entre 1898 e 1903.
Traxectoria Regalado foi un dos conspiradores que en 29 de abril de 1894 participou na derrubada do goberno de Carlos Basilio Ezeta, dentro do movemento chamado de "Os 44". En 14 de novembro de 1898, o xeneral Regalado derrubou o presidente Rafael Antonio Gutiérrez, o cal o consideraba seu mellor amigo, e asumiu a presidencia da República. En 1899 foi elixido presidente constitucional para un período de catro anos. Gutiérrez xamais o perdoou.
Ao iniciar seu goberno decretou amnistía para todos os emigrados políticos. Durante súa presidencia estabeleceuse a Escola Politécnica Militar, iniciouse a construción do Teatro Nacional de Santa Ana, impulsouse a construción de ferrocarrís e creouse a Policía Rural Montada, antecedente da Garda Nacional.
Terminado seu mandato, o xeneral Regalado foi nomeado Ministro da Guerra polo seu sucesor Pedro José Escalón. En 1906 ao iniciar a guerra entre O Salvador e Guatemala, foi nomeado comandante das tropas salvadoreñas que invadiran o territorio guatemalteco. Durante un combate no lugar chamado "El Entrecijo", Regalado foi ferido gravemente e morreu a 11 de xuño de 1906.
Notas
Categoría:Presidentes do Salvador Categoría:Nados en 1861 Categoría:Finados en 1906 Categoría:Nados no Salvador