A Confederación Suramericana de Fútbol, en portugués Confederação Sul-Americana de Futebol, ou coñecida tamén cos acrónimos CONMEBOL ou CSF, é a confederación de asociacións nacionais de fútbol de América do Sur e unha das seis de carácter continental que compoñen a FIFA.

A CONMEBOL foi fundada en 1916 por iniciativa do uruguaio Héctor Rivadavia Gómez e composta nun primeiro momento polas asociacións nacionais da Arxentina, Chile, o Uruguai e o Brasil. Posteriormente fóronse unindo as restantes federacións até sumar as dez actuais, que fan desta confederación a máis pequena da FIFA por número de integrantes. Paraguai uniuse en 1921, Perú en 1925, Bolivia en 1926, Ecuador en 1927, Colombia en 1936 e por último Venezuela en 1952. Ademais, aínda que a Güiana, o Suriname e a Güiana francesa pertenzan ao continente suramericano, debido a razóns históricas, culturais e deportivas decidiron unirse á CONCACAF.

Xunto coa UEFA, a CONMEBOL é unha das confederacións dominantes na FIFA, tendo gañado nove dos dezaoito Mundiais de Fútbol da FIFA, a pesar de só ter organizado catro. Así mesmo é a única Confederación que foi quen de gañar un Mundial fóra do seu propio continente (de feito, fíxoo en todos os continentes nos que se leva disputado). Dentro da CONMEBOL destacan dúas seleccións por enriba das demais, son o Brasil, que é a selección que conta cun maior número de títulos mundiais, e a Arxentina. Estas dúas seleccións, ademais de acaparar títulos mundiais (cinco e dous respectivamente) e continentais (oito e catorce respectivamente), permanecen ano tras ano nos postos de cabeza da clasificacións elaboradas pola FIFA e os seus clubs acaparan éxitos a nivel continental e global. Outra selección que tamén ten destacado é a do Uruguai, sobre todo nos seus inicios con dous títulos e dous cuartos postos en mundiais, e catorce títulos da Copa América. A nivel de clubs a Confederación tamén obtivo éxitos importantes acadando un total de vinte e dúas Copas Intercontinentais.

A Confederación organiza diferentes torneos entre os que destacan a nivel de clubs a Copa Libertadores (análoga á Copa de Europa da UEFA) e a Copa Suramericana (semellante á [Copa da UEFA]), ademais da Copa América a nivel de seleccións nacionais.

Historia Coincidindo co Centenario da Independencia da república Arxentina en 1916, o Ministerio de Relacións Exteriores dese país doou un trofeo e convidou ás Federacións do Brasil, Chile e o Uruguai para disputar un campionato de fútbol como parte das celebracións. Aínda que neste ano non estaba en xogo o Trofeo Copa América, que se instituirá no ano seguinte, este torneo está considerado como a primeira Copa América da historia.

O torneo tivo un grande éxito e durante a súa disputa o dirixente uruguaio Héctor Rivadavia Gómez viu o contexto ideal para materializar un vello proxecto persoal: o de crear a Confederación Suramericana de Fútbol. É así como na data exacta do centenario da Independencia da Arxentina, o 9 de xullo de 1916, os dirixentes da Arxentina, o Brasil, Chile e o Uruguai se reuniron en Buenos Aires para estudar a idea de integración de Rivadavia Gómez, que finalmente sería aprobada en referendo polas respectivas asociacións nacionais. O 15 de decembro dese mesmo ano celebrouse o Congreso Constitucional en Montevideo, no que se ratificou todo o acordado. Posteriormente uniuse Paraguai en 1921, Perú en 1925, Bolivia en 1926, Ecuador en 1927, Colombia en 1936 e por último Venezuela en 1952.

No Congreso de 1990 incluíuse nos estatutos unha modificación pola cal se establece como sede permanente da institución a cidade de Asunción, capital de Paraguai. O 23 de xaneiro de 1998 inaugurouse o impoñente edificio que acolle a nova sede, localizada no distrito de Luque, Gran Asunción.

Membros asociados País Federación Fundación IngresoSelecciones Asociación del Fútbol Argentino (AFA) 1893 1916 * masculina feminina Federación Boliviana de Fútbol (FBF) 1925 1926 masculina feminina Confederação Brasileira de Futebol (CBF) 1914 1916 * masculina feminina Federación de Fútbol de Chile (FFCh) 1895 1916 * masculina feminina Federación Colombiana de Fútbol (FCF) 1924 1936 masculina feminina Federación Ecuatoriana de Fútbol (FEF) 1925 1925 masculina feminina Asociación Paraguaya de Fútbol (APF) 1906 1921 masculina feminina Federación Peruana de Fútbol (FPF) 1922 1925 masculina feminina Asociación Uruguaya de Fútbol (AUF) 1899 1916 * masculina feminina Federación Venezolana de Fútbol (FVF) 1926 1952 masculina feminina

*Son cofundadoras da Conmebol

Presidentes da CONMEBOL miniatura|240px|esquerda|Sede da CONMEBOL en Luque, Paraguai Nome Nacionalidade Período 1. Héctor Rivadavia Gómez 1916–1936 2. Luis O. Salesi 1936–1939 3. Luis Valenzuela Hermosilla 1939–1955 4. Carlos Dittborn Pinto - 1955–1957 5. José Ramos de Freitas 1957–1959 6. Fermín Sorhueta 1959–1961 7. Raúl H. Colombo 1961–1966 8. Teófilo Salinas Fuller 1966–1986 9. Nicolás Leoz - 1986–presente

Torneos organizados pola CONMEBOL De seleccións Copa América (desde 1916) Suramericano Femenino (campionato feminino, desde 1991) Copa América de Futsal (desde 2000) Campionato Suramericano Sub-20 (desde 1954) Campionato Suramericano Sub-17 (desde 1985) Campionato Suramericano Sub-17 (desde 2004) Campionato Suramericano Feminino Sub-20 (desde 2004) Campionato Suramericano Feminino Sub-17 (desde 2008) Campionato Suramericano Sub-20 de Futsal Campionato Suramericano de Futsal Feminino Preolímpico Suramericano Sub 23 (de 1960 a 2004)

De clubs Copa Libertadores (desde 1960) Copa Suramericana (desde 2002) Recopa Suramericana (desde 1989) Copa Suruga Bank (desde 2008) Copa CONMEBOL (de 1992 a 1999, fusionada coa Copa Mercosur e a Merconorte na Copa Suramericana) Copa Mercosur (de 1998 a 2001, fusionada coa Copa Conmebol e a Merconorte na Copa Suramericana) Copa Merconorte (de 1998 a 2001, fusionada coa Copa Mercosur e a Conmebol na Copa Suramericana) Supercopa de Campións Intercontinentais (de 1968 a 1969). Copa Interamericana, organizada xunto coa CONCACAF entre 1969 e 1998. Enfrentaba ao campión da Copa Libertadores e o gañador da Copa de Campións da CONCACAF. Copa Gañadores de Copa, tamén coñecida coma Recopa Suramericana de Clubs en 1970. Supercopa Suramericana João Havelange. Entre 1988 e1997, reunía aos gañadores da Copa Libertadores de América. A súa continuación desdobrouse na Copa Mercosur e a Copa Merconorte. Copa Master de Supercopa en 1992 e 1994. Reunía aos campións de Supercopa Suramericana. Copa Master de Conmebol en 1996. Reunía aos campións da Copa Conmebol até 1995. Copa de Oro Nicolás Leoz en 1993, 1995 e 1996. Reunía aos vencedores de todas as copas organizadas pola CONMEBOL do ano anterior. Campionato Suramericano de Campións en 1948.

Clasificación Mundial da FIFA

Clasificación masculina A Clasificación mundial da FIFA dos equipos suramericanos do último mes de xuño de 2009 amosa as seguintes posicións:

Posto Clasificación FIFA País Troco 5º 20px (Baixou 1 posto) 7º 20px (Baixou 1 posto) 13º 20px (Subiu 4 postos) 17º 20px (Baixou 1 posto) 37º 20px (Baixou 11 postos) 44º 20px (Baixou 2 postos) 45º 20px (Baixou 1 posto) 56º 20px (Igual) 58º 20px (Igual) 89º 20px (Baixou 2 postos) Nota: A próxima actualización da Clasificación mundial da FIFA dos equipos masculinos publicarase o vindeiro 1 de xullo de 2009.

Clasificación feminina A Clasificación mundial da FIFA dos equipos femininos suramericanos do 19 de decembro de 2008 amosa as seguintes posicións.

Posto Clasificación FIFA País Troco 2º 20px (Subiu un posto) 28º 20px (Igual) -° 20px (Igual)** -° 20px (Igual)** -º 20px (Igual)** -º 20px (Igual)** -º 20px (Igual)** -º 20px (Igual)** -° 20px (Igual)** -° 20px (Igual)**

Nota: A próxima actualización da Clasificación mundial da FIFA dos equipos femeninos publicarase o próximo 26 de xuño de 2009.

**Seleccións sen clasificación oficial por estaren inactivas máis de 18 meses.

Notas

Véxase tamén Ligacións externas Páxina oficial da CONMEBOL A CONMEBOL, sede do fútbol suramericano na cidade de Luque

Categoría:Confederacións da FIFA Categoría:CONMEBOL