Umanità Nova (Nova Humanidade) é un periódico anarquista italiano fundado no ano 1920 en Milán e, en 2022, é o medio escrito da Federación Anarquista Italiana. Entre os seus colaboradores máis destacados estiveron Errico Malatesta, Antonio Ceri (os fundadores) e Camillo Berneri.
Traxectoria Publicábase diariamente e nalgunhas zonas italianas a súa circulación, que foi duns 30.000 exemplares primeiro e logo duns 60.000, superou á do Avanti!, o xornal do Partido Socialista Italiano, ata 1922 en que foi pechado polo réxime fascista. Nunha carta de Anna Kuliscioff a Filippo Turati, a primeira estimaba a tiraxe do xornal en 100.000 exemplares, mentres que no mesmo período a tirada de Avanti! eran 70.000 exemplares.Schirone 2010, p. 29. Posteriormente, ata 1926, mantivo unha pequena tiraxe esporádica e clandestina e, entre 1943 e 1945, houbo unha reaparición notable con 14 números de 8.000 exemplares impresos en Florencia, Roma e Xénova.
Despois da caída do réxime en 1945 e dun congreso anarquista en Carrara, a publicación comezou a saír de novo dunha forma estable, esta vez nun formato semanal. O periódico continúa sendo publicado a día de hoxe, sendo impreso en Carrara, e dende 1974 é redactado por un equipo colexiado. Notas
Véxase tamén
Bibliografía
Ligazóns externas Umanità Nova , sitio de Internet https://www.umanitanova.org/?s=Fubine&submit=Cerca (en italiano)
Categoría:Prensa anarquista Categoría:Prensa de Italia Categoría:Medios de comunicación en lingua italiana