Melchiorre Delfico, nado en Teramo o 1 de agosto de 1744 e finado na mesma vila o 2 de xuño de 1835, foi un economista, filósofo, político e numismático napolitano.

Traxectoria Delfico naceu en Teramo, na rexión dos Abruzos (entón no Reino de Nápoles) e foi educado en Nápoles.

Adicouse especialmente ao estudo da xurisprudencia e da economía política, e as súas numerosas publicacións exerceron unha grande influencia práctica na corrección e extinción de moitos abusos.

Caída a República Partenopea pasou sete anos exiliado na República de San Marino, que en 1802 lle recoñeceu a súa cidadanía. Posteriormente, en virtude de Xosé Bonaparte Delfico fíxose conselleiro de Estado, cargo que ocupou até a restauración de Fernando IV, cando foi nomeado presidente da comisión dos arquivos, da que se xubilou despois de 1825.

Parallelamente, nos inicios da década de 1780 apaixonouse polo coleccionismo, en particular de libros antigos e de moedas romanas e da época prerromana.Ponziani, L; Sgattoni, M. (2004). I luoghi della storia a Teramo - Il Palazzo Dèlfico. Edigrafital. Páxina 111.

Obras Entre as súas obras máis importantes están:

Saggio filosofico sul matrimonio (1774). Memoria sul Tribunale della Grascia e sulle leggi economiche nelle provincie confinanti del regno (1785), que conduciu á abolición en Nápoles das máis irritantes e absurdas restricións en canto á venda e exportación de produtos agrícolas. Riflessioni su la vendita dei feudi (1790) e Lettera a Sua Ecc. sig. Duca di Cantalupo, que levou á supresión dos dereitos feudais sobre os bens raíces e a súa venda. Ricerche sul vero carattere della giurisprudenza Romana e dei suoi cultori (1791) e Pensieri sulla Istoria e su l'incertezza ed inutilità della medesima (1806), ambos sobre a historia temperá de Roma. Della antica numismatica della città di Atri nel Piceno con un discorso preliminare su le origini italiche. Teramo, Angeletti (1824).

Notas

Véxase tamén

Bibliografía Mozzetti, F. Degli studii, delle opere e delle virtù di Melchiorre Delfico. Tersamo. 1835.

Categoría:Nados en 1744 Categoría:Finados en 1835 Categoría:Nados en Teramo Categoría:Economistas de Italia Categoría:Numismáticos de Italia Categoría:Numismáticos de San Marino