miniatura|dereita|260px|As Illas Británicas tras a marcha dos romanos, c. 500. En negro os reinos britanos, en marrón os pictos, en azul os irlandeses e en vermello os xermanos. Yr Hen Ogledd é unha expresión galesa que significa 'O Vello Norte' e que se refire aos reinos britanos posteriores aos romanos situados no que hoxe é o norte de Inglaterra (incluíndo Cumbria e o sur de Escocia. Pode ser que o cúmbrico, un dialecto da linguas britónicas moi parecido ao galés, fose a lingua falada polos Homes do Norte (Gwŷr y Gogledd en galés).Kenneth Jackson, Language and History in Early Britain, p. 9-10
Historia Estes reinos floreceron durante os séculos V, VI e VII na área meridional do territorio dos pictos. A xente destes países eran denominados Gwŷr y Gogledd ou 'Homes do Norte'. Unha serie de liñaxes galeses antigos, coñecidos como Bonhed Gwŷr y Gogleded yw Hyn semellan amosar a descendencia de moitos destes monarcas.Bromwich, pp. 256–257. A meirande parte deles comezan cun devanceiro común, Coel Hen.
Os nomes dalgúns destes reinos e posíbeis reinos menores perdéronse para a historia. Algúns dos que sobreviviron só se coñecen por unha simple referencia. As terras coñecidas do Hen Ogledd inclúen:
Aeron (Strath Eireann?). Manaw (ou Manaw Gododdin). Din Eidyn (Edimburgo). Gododdin. Strathclyde (Alt Clut/Ystrad Clud). Novant (Nouant). Rheged. Argoed (Rheged do sur). Ebrauc (Efrog/York) (nome exacto descoñecido). Bryneich. Deifr. Dent (DunotingDunoting/Dunault (North Pennines). The History Files. Data de acceso: 2008-07-25. – non hai que confundilo co reino menor de Dunoding en Gwynnedd. [url=http://www.britannia.com/bios/ebk/deinigpn.html ]). Peak (ou The Peak). Elmet (Elfed). Arfderydd. Calchfynydd. Caer Gwenddoleu.
As liñaxes tamén inclúen unha confusa versión da liñaxe de Áedán e Gabrán, xefes do reino gaélico de Dál Riata, entre os Homes do Norte.Bromwich, pp. 256–257.
Os estados britanos desapareceron todos ou caeron so outros reis como consecuencia dos sucesivos ataques que desde o século VI en diante fixeron os anglos de Bernicia e Deira (que se unificaron para formaren o reino de Northumbria), e os pictos, quen tamén absorberon Dál Riata, e polo tanto uniron os dous territorios do reino de Alba. A máis antiga poesía galesa conservada, coñecida como Hengerdd e representada polas obras de Aneirin e Taliesin, foi composta en Yr Hen Ogledd.
Notas
Véxase tamén
Bibliografía Bromwich, Rachel (2006). Trioedd Ynys Prydein: The Triads of the Island of Britain. University Of Wales Press. ISBN 0-7083-1386-8. Jackson, Kenneth: Language and History in Early Britain, Edinburgh University Press, 1953. Outros artigos Britannia Inferior. Valentia (Britannia Romana).
*