O Antonov An-124 Ruslan (en ruso e ucraíno: Антонов Ан-124 «Руслан», designación da OTAN: CondorAndreas Parsch y Aleksey V. Martynov Designation-Systems.net foi o avión máis grande construído en serie ata a chegada do Airbus A380 e foi, ata a chegada do Antonov An-225, o avión máis grande fabricado.
Historia e características Foi deseñado nos anos 70 coma sucesor do An-22 e durante o seu desenvolvemento coñeceuse coma An-400 e An-40 en Occidente. Realizou o seu primeiro voo en 1982, entrando en servizo en 1986. Hai máis de corenta avións en servizo, 26 deles con aeroliñas, nos Emiratos Árabes Unidos, Libia, Rusia e Ucraína.
Fisicamente, o An-124 é similar ao Lockheed C-5 Galaxy estadounidense, pero lixeiramente maior. Os An-124 foron empregados para transportar locomotoras, iates, fuselaxes de avións e outros tipos de carga de grandes dimensións. O avión pode inclinarse para facilitar a entrada da carga. Un An-124 militar pode levar ata 150 t de carga, tamén pode levar ata 88 pasaxeiros nunha cuberta superior detrás da cabina. Porén, debido á limitada presurización da fuselaxe, raramente transporta a paracaidistas.http://www.fas.org/man/dod-101/sys/ac/row/fwair.htm Federation of American Scientists Military Analysis Network
O An-124 foi fabricado en paralelo por dúas fábricas: a compañía rusa Aviastar-SP (antigo Complexo de Aviación Industrial de Ulyanovsk) e a fábrica AVIANT de Kíiv, en Ucraína.
A produción detívose trala desaparición da Unión Soviética. As últimas cinco estruturas básicas sen rematar foron completadas entre 2001 e 2004. Aínda que xa non se fabrican An-124, existen plans comúns entre Rusia e Ucraína para volver a producir avións entre 2008-2009.http://www.podrobnosti.ua/economy/transportational/2006/07/19/331804.htm Antonov planea reiniciar a produción do An-124-10
Xa que o avión foi deseñado inicialmente para uso militar ocasional, os An-124 orixinais se fabricaron cunha vida útil de 7.500 horas de voo coa posibilidade dunha extensión. Porén, moitos avións voaron máis de 15.000 horas. Como resposta á queixas dos clientes comerciais, os avións fabricados despois do 2000 (o An-124-100) teñen unha vida útil de 24.000 horas, mentres que os modelos antigos estanse actualizando ó novo estándar.
Notas
Véxase tamén
Ligazóns externas The Antonov Giants: An-22, An-124, & An-225 por Greg Goebel Antonov An-124-100 en Aviastar-SP Antonov An-124-100 Long-range heavy transport aircraft, Russia
Categoría:Antonov 124 Categoría:Aeronaves co primeiro voo en 1982