Albert Fert, nado en Carcasona o 7 de marzo de 1938, é un físico francés. É un dos descubridores do efecto de magnetorresistencia xigante, que permite aos discos ríxidos modernos superaren a barreira de xigabytes, polo que foi agraciado do Premio Nobel de Física de 2007, canda Peter Grünberg.
É profesor na Université Paris-Sud en Orsay, e director científico dun laboratorio asociado ('Unité mixte de physique') entre o Centre national de la recherche scientifique (Centro Francés de Investigación) e Thales Group.
Traxectoria Graduado en 1962 na École Normale Supérieure en París. Mestrado en 1963 na Universidade de París, e doutorado en 1970 na Université Paris-Sud.
En 1988 descubriu o efecto da magnetoresistencia xigante (GMR) en multicapas de ferro e cromo, descuberta recoñecida como iniciadora da spintrónica. O GMR foi simulado e descuberto independentemente por Peter Grünberg do Jülich Research Centre. Dende 1988, Albert Fert ten realizado varias contribucións ao eido da spintrónica.
Véxase tamén Ligazóns externas Perfil no sitio oficial do Nobel de Física 2007
Categoría:Premio Nobel de Física Categoría:Físicos de Francia Categoría:Alumnos da École Normale Supérieure Categoría:Nados en 1938 Categoría:Premios Nobel de Francia Categoría:Nados no departamento de Aude Categoría:Doutores honoris causa pola Universidade de Zaragoza