Rafaela Hervada Carnerero, nada na Coruña o 24 de xullo de 1917 e finada na mesma cidade o 26 de febreiro de 2010, foi unha avogada e directora de radio galega.
Traxectoria Filla de Francisco Hervada García Sampedro, un home de negocios coruñés que creou en 1934 a emisora Radio Coruña, a primeira da cidade. En 1942 rematou os estudos de Dereito na Universidade de Santiago de Compostela, sendo a primeira muller que se licenciou en Dereito na Coruña, e unha das primeiras en toda Galicia.
Á morte do seu pai Pancho Hervada en 1964 fíxose cargo da dirección de Radio Coruña, converténdose na primeira directora dunha radio en España. Dirixiu a emisora ata 1989, cando decidiu deixar paso ao seu sobriño Ángel Gómez Hervada.
Notas
Categoría:Personalidades da radio de Galicia Categoría:Nados na Coruña Categoría:Nados en 1917 Categoría:Finados en 2010 Categoría:Personalidades de Galicia sen imaxes Categoría:Avogados de Galicia Categoría:Alumnos da Universidade de Santiago de Compostela