Panorama de Galicia foi un programa do Centro Territorial da Televisión Española en Galicia que tivo a súa primeira emisión o 25 de xullo de 1974 Xosé López García "Tres décadas de televisión en Galicia", páxina 7, transformándose en emisión diariaBoletín Oficial de las Cortes Generales o 16 de agosto dese ano. Foi o primeiro espazo de televisión en utilizar de xeito regular a lingua galega, aínda que os primeiros anos era bilingüe Anxo Lorenzo, Fernando Ramallo e Hakan Casares "Lingua, sociedade e medios de comunicación en Galicia", páxina 29. Tiña unha duración de quince minutos e era eminentemente informativo, a partir do ano seguinte aumentou a súa duración ata os 30 minutos, dando cabida a unha maior variedade de temas, con espazos de etnografía (A peneira), entrevistas (Xente) e reportaxes (Concellos) . En 1977 comezou o espazo cultural Adro da cultura. Panorama de Galicia desapareceu en 1983 substituído pola primeira edición do Telexornal. Notas
Categoría:Programas de televisión de Galicia