Melchor Méndez Magariños, nado en Pontevedra o 6 de novembro de 1885 e finado en Montevideo o 28 de novembro de 1945, foi un pintor e gravadista galego-uruguaio.
Traxectoria Con catro anos de idade chegou coa familia ao Uruguai. Aos doce anos comezou os seus estudos de debuxo con Pío Collivadino e posteriormente ampliou os seus coñecementos na Escola de Belas Artes de Buenos Aires. Nesa cidade participou canda outros artistas na creación das pinturas murais do Teatro Colón, mentres que no Uruguai colaborou nas pinturas da Capela do Santísimo da Catedral de Montevideo. En misión oficial, realizou unha viaxe a Europa onde frecuentou o obradoiro de André Lhote, e recibiu as influencias de expresionistas do movemento fauvista como Raoul Dufy ou Othon Friesz. Nesa mesma viaxe realizou en Alemaña moitas das súas acuarelas.
Galería de imaxes
Véxase tamén
Ligazóns externas Breve biografía do artista
Categoría:Pintores de Galicia Categoría:Nados en Pontevedra Categoría:Nados en 1885 Categoría:Finados en 1945 Categoría:Pintores do Uruguai Categoría:Personalidades de Galicia sen imaxes Categoría:Pintores de Galicia coa obra no dominio público