Pilar Vázquez Cuesta, nada en Chantada o 25 de abril de 1926 e finada en Santiago de Compostela o 6 de marzo de 2019, foi unha escritora e filóloga galega.

Traxectoria Filla de Daniel Vázquez Campo, deputado nas constituíntes de 1931 pola ORGA, dedicou a súa vida ao ensino. A súa tía Luisa Cuesta Gutiérrez xa fora profesora da Universidade de Santiago antes da guerra e a súa nai, Modesta Cuesta, foi a primeira muller Licenciada en Farmacia pola Universidade de Santiago de Compostela. Criouse en Chantada ata os cinco anos en que a familia marchou a Madrid.

Despois de terminado o Bacharelato, matriculouse na Facultade de Filosofía e Letras na Universidade Complutense de Madrid e licenciouse en 1946. En 1976 acadou, por oposición, a praza de agregada de Lingua e Literatura Portuguesas na Universidade de Salamanca da que foi catedrática até 1988. En 1988 volveu a Galiza cando se creou a Cátedra de Portugués na Facultade de Filoloxía de Santiago de Compostela que detentou ata a súa xubilación en 1991, momento en que foi nomeada Profesora Emérita de Filoloxía Galega e Portuguesa na Universidade de Santiago de Compostela.

Estudosa da cultura portuguesa e brasileira e á súa difusión en España, elaborou numerosos estudos, traballos de investigación e traducións ao castelán de autores portugueses e brasileiros, destacando a súa gramática portuguesa en español con Maria Albertina Mendes da Lus.

Publicou estudos sobre Eduardo Pondal, Rosalía de Castro, M. Curros Enríquez, Ramón Cabanillas, Castelao, Otero Pedrayo, Blanco Amor, Luís Seoane, Álvaro Cunqueiro, Lamas Carvajal...

Publicacións Ensaio Gramática portuguesa (1949). Con Mendes da Lus, María Albertina (en castelán). Gredos. Madrid. Reeditada. II vols. A poesía portuguesa actual (1976). Editora Nacional. Madrid. Ed. bilingüe castelán-portugués. 406 páxs. ISBN 9788427603318. A língua e a cultura portuguesas no tempo dos Filipes (1988). Europa-América. En portugués. 152 páxs. O que um falante de português deve saber acerca do galego (2002). Colibri. Cátedra de Estudos Galegos da Universidade de Lisboa. En Portugués.

Obras colectivas miniatura|Problemática das línguas sen normalizar. Situación do galego e alternativas, 1980. Problemática das línguas sen normalizar. Situación do galego e alternativas, 1980, AS-PG/Xistral. Situación e perspectivas do Galego, en Congresso sobre a situação da língua portuguesa no mundo, 1985, ICALP, Lisboa. Escritores galegos contemporáneos. Participantes no encontro de escritores galegos e portugueses en Compostela, (setembro 1991) (1991, Xunta de Galicia). Coordinación con Henrique Monteagudo e Fernando Dacosta.

Obras sobre a autora Homenaxe á profesora Pilar Vázquez Cuesta (1996). Universidade de Santiago. 834 páxs. ISBN 9788481214765.

Obra en castelán Obras colectivas Literatura Gallega, en Historia de las literaturas hispánicas no castellanas, 1980, Taurus, Madrid. A nosa literatura: unha interpretación para hoxe, 1982, Xistral.

Distincións Doutora honoris causa pola Universidade de Lisboa. Medalla Castelao (1996).

Notas

Véxase tamén Bibliografía

Ligazóns externas Lembranza emocionada de Pilar Vázquez Cuesta , nese enorme silencio… López Foxo, Manuel (2013)

Categoría:Escritores de Galicia en lingua galega Categoría:Medallas Castelao Categoría:Nados en Chantada Categoría:Nados en 1926 Categoría:Personalidades de Galicia sen imaxes Categoría:Tradutores do portugués Categoría:Tradutores ao castelán Categoría:Escritores en lingua portuguesa Categoría:Escritores de Galicia en lingua castelá Categoría:Farmacéuticos de Chantada Categoría:Catedráticos da Universidade de Santiago de Compostela Categoría:Bibliotecarios Categoría:Profesores da Universidade Complutense de Madrid Categoría:Profesores da Universidade de Salamanca Categoría:Alumnos da Universidade Complutense de Madrid