Sergio Aragoneses Almeida, nado no Porriño o 1 de febreiro de 1977, é un ex-futbolista galego. Xogaba de porteiro.
Traxectoria Comezou xogando na canteira do Real Club Celta, chegando ao filial, o Celta B, onde estivo entre 1994 e 1998. Tras unha tempada no Sporting Guardés, xogou a campaña 1999-00 no Pontevedra CF da segunda B.
Entre o 2000 e o 2003 xogou no CD Tenerife, debutando en primeira división en 2002 contra o Deportivo Alavés. No ano 2003 fichou polo Getafe CF, e a campaña 2004-05 xogou co Atlético de Madrid, regresando ao Getafe durante uns meses no 2005.
En agosto de 2005, ao pouco de fichar polo Elche CF, foille diagnosticado unha alteración anatómica testicular que o mantivo afastado dos campos durante un tempo"Aragoneses sufre un mal testicular", artigo en El País, 31 de agosto de 2005.. Finalmente superou a doenza terminou a temporada.
No 2006 fichou polo Hércules CF. En xaneiro de 2007, nunha revisión rutineira, foille diagnosticado de novo un tumor testicular"La segunda batalla de Aragoneses" , artigo en El Correo, 23 de xaneiro de 2007 .. Logo de someterse a sesións de quimioterapia en Elx, que o afastaron 2 meses da competición"El meta del Hércules Aragoneses supera un cáncer de testículos", artigo en Marca'', 30 de marzo de 2007 ., se ben rematou a campaña como titular.
Na tempada 2007-08 foi suplente de Unai Alba, e foi apartado do equipo polo adestrador Andoni Goikoetxea logo dunhas declaracións en alusión a el, interpretadas como acto de indisciplina. O 31 de xaneiro de 2008 rescindiu o seu contrato"Aragoneses se va del Hércules", artigo en Marca, 31 de xaneiro de 2008 ., fichando máis tarde polo CD Numancia logo da lesión de Jacobo Sanz"El Numancia ficha al portero Sergio Aragoneses", artigo en AS, 12 de febreiro de 2008 .. Se ben non disputou partido algún, acadou o campionato de segunda división. En xullo de 2008, logo de 5 anos, regresou ao CD Tenerife.
Notas
Categoría:Nados en 1977 Categoría:Nados no Porriño Categoría:Futbolistas do Porriño Categoría:Gardametas de fútbol Categoría:Xogadores do Celta de Vigo B Categoría:Xogadores do Pontevedra CF Categoría:Xogadores do CD Tenerife Categoría:Xogadores do Getafe CF Categoría:Xogadores do Atlético de Madrid Categoría:Xogadores do Elche CF Categoría:Xogadores do Hércules CF Categoría:Xogadores do CD Numancia Categoría:Xogadores do Cádiz CF