Carlos Figueroa Lorente, nado en Sevilla (España) o 27 de maio de 1956, é un ex xogador e adestrador de hóckey a patíns español. A pesar da súa dilatada carreira como xogador, é como adestrador cando máis prestixio conseguiu, sendo o técnico con máis títulos do estado español e de Europa. É considerado un dos mellores técnicos do mundo. O seu posto como xogador era o de dianteiro.
Como xogador destacou a súa etapa no H.C. Liceo da Coruña, no club galego xogou dende 1984 ata 1989, e nesta etapa conseguiu gañar tres ligas, tres Copas do Rei, dúas Copas de Europa, unha Recopas de Europa, tres Supercopas de Europa e dúas Copas Intercontinentais.
Como adestrador desenvolveu toda a súa carreira en Cataluña, primeiro no Igualada HC entre 1990 e 1995, posteriormente no FC Barcelona dende 1995 ata o 2005, e dende o 2008 ata o 2009 ao Reus Deportiu. Destaca sobre todas a súa etapa no Barcelona, conseguindo un total de 31 títulos en dez anos, entre os que destacan seis Copas de Europa e oito ligas. O 15 de maio do 2005 logrou o seu último título oficial como adestrador do Barcelona, a Copa de Europa, ao derrotar ao FC Porto por 3 a 2 na final disputada en Reus. Logo de dous anos volveu dirixir un equipo de hóckey a patíns, foi o CP Sitges na segunda categoría do hóckey a patíns estatal e co que conseguiu o ascenso á OK Liga. Ao ano seguinte volveu adestrar un equipo de elite, foi o Reus Deportiu, club co que conseguiu os seus últimos títulos como adestrador, o obxectivo perseguido polo Reus era finalizar coa hexemonía do Barcelona e conseguido en parte ao gañar o Campionato do Mundo de Clubs e a Copa de Europa, mais ao final da tempada abandonou o club.
A tempada 2009-10, Carlos Figueroa fíxose cargo do banquiño do Club Patí Vilanova feminino e da dirección xeral do club.
Traxectoria deportiva Como xogador 20px Pilaristas de Madrid: 1966-1973 20px Ruan Alcobendas: 1973-1979 Cerdanyola CH: 1979-1981 Mollet HC: 1981-1983 H.C. Liceo: 1984-1989 A.A. Dominicos: 1989-1990 CP Tordera: 1990
Como adestrador Igualada HC: 1990-1995 FC Barcelona: 1995-2005 CP Sitges: 2007-2008 Reus Deportiu: 2008-2009
Palmarés Palmarés como xogador H.C. Liceo 3 OK Ligas: 1985-86, 1986-87 e 1989-90 3 Copas do Rei: 1984, 1988 e 1989 2 Copas de Europa: 1987 e 1988 1 Recopa de Europa: 1989 3 Supercopas de Europa: 1987, 1988 e 1989 2 Copas Intercontinentais: 1987 e 1989
A.A. Dominicos 1 Copa do Rei: 1990
Palmarés como adestrador Igualada HC 1 Supercopa de España: 1993-94 2 Supercopas de Europa: 1992-93 e 1993-94 3 Copas de Europa: 1992-93, 1993-94 e 1994-95 3 OK Ligas: 1991-92, 1993-94 e 1994-95 3 Ligues catalanes: 1991-92, 1992-93 e 1993-94 2 Copas do Rei: 1992 e 1993
FC Barcelona 1 Copa Intercontinental: 1998 5 Supercopas de Europa: 1996-97, 1999-00, 2000-01, 2001-02 e 2003-04 6 Copas de Europa: 1996-97, 1999-00, 2000-01, 2001-02, 2003-04 e 2004-05 3 Copas Ibéricas: 1999-00, 2000-01, 2001-02 1 Copa das Nacións de Montreux: 1995 9 OK Ligas: 1995-96, 1997-98, 1998-99, 1999-00, 2000-01, 2001-02, 2002-03, 2003-04 e 2004-05 3 Ligas catalás 1995-96, 1996-97 e 1997-98 4 Copas do Rei: 2000, 2002, 2003 e 2005
Reus Deportiu 1 Campionato do Mundo de Clubs: 2008 1 Copa de Europa: 2008-09
Véxase tamén
Ligazóns externas Carlos Figueroa en hoqueipatíns.cat
Categoría:Adestradores de hóckey a patíns Categoría:Xogadores de hóckey a patíns de España Categoría:Xogadores do A.A. Dominicos Categoría:Xogadores do H.C. Liceo Categoría:Nados en Sevilla Categoría:Nados en 1956 Categoría:Xogadores do FC Barcelona (hóckey a patíns)