Margarida de Borbón e Borbón-Dúas Sicilias, cuxo nome completo é Margarita María de la Victoria Esperanza Jacoba Felicidad Perpetua de Todos los Santos de Borbón y Borbón-Dos Sicilias nada en Roma o 6 de marzo de 1939, é unha nobre española, nomeada Infanta de España polo Real decreto 1368/1987, de 6 de novembro.Real decreto 1368/1987, de 6 de novembro Filla de Xoán de Borbón, conde de Barcelona e de María das Mercedes de Borbón-Dúas Sicilias, é irmá do anterior rei de España, Xoán Carlos I e da infanta Pilar. Ten o tratamento de Alteza Real, e é ademais, Duquesa de Soria e de Duquesa de Hernani. A infanta Margarita é invidente desde o seu nacemento.
Dereitos de sucesión Renunciou aos seus dereitos de sucesión ao trono español ao contraer matrimonio cunha persoa allea a algunha familia real como estipulaba a Pragmática Sanción do rei Carlos III sobre matrimonios dos membros da familia real. Esta renuncia, producida con anterioridade á aprobación da Constitución e á reinstauración da monarquía, non foi ratificada polas Cortes Xerais. Aínda que a norma de Carlos III quedou abolida de facto coa proclamación da II República, a maioría de expertos na materia consideran que tanto Margarita como a súa irmá e todos os seus descendentes quedaron excluídos da liña sucesoria pero esta situación non foi confirmada oficialmente.
Traxectoria Contraeu matrimonio na igrexa de San Antonio de Estoril, Portugal, o 12 de outubro de 1972 co médico Carlos Emilio Zurita y Delgado. O matrimonio tivo dous fillos: Alfonso Juan Carlos Zurita y de Borbón (nado o 9 de agosto de 1973), Grande de España. María Sofía Emilia Carmen Zurita y de Borbón (nada o 16 de setembro de 1975), Grande de España.
O 6 de xaneiro de 1979, Margarita herdou o título de duquesa de Hernani ao falecer un tío afastado seu, Manfredo de Borbón, primeiro duque de Hernani. O seu irmán concedeulle o título vitalicio de duquesa de Soria o 23 de xuño de 1981.
En 1989 creou xunto ao seu esposo a Fundación Cultural Duques de Soria con sede no antigo convento da Mercé de Soria. Margarita tamén é presidenta honoraria da delegación en España de UNICEF, da Fundación Española do Corazón e da Federación Española de Hemofilia.
Distincións honoríficas Dama Gran Cruz da Real e Distinguida Orde de Carlos III. Dama da Real Orde de Damas Nobres da Raíña María Luísa.
Ascendencia </center>
Notas
Véxase tamén Outros artigos Familia real española
Categoría:Infantes de España Categoría:Duques de España Categoría:Nados en Roma Categoría:Nados en 1939 Categoría:Grandeza de España Categoría:Doutores honoris causa pola Universidade Miguel Hernández de Elx