Luciano María Puga Blanco, nado en Proente (A Merca) o 30 de decembro de 1842 e finado na Coruña o 26 de setembro de 1899, foi un xurista e político galego.
Traxectoria Fillo de Manuel María Puga Feijoo. Licenciado en Dereito Civil e Canónico pola Universidade de Santiago de Compostela e doutorado pola Universidade Central de Madrid en 1867. Foi alcalde de Santiago de Compostela (1870-1871), deputado en Cortes polo distrito de Santiago de Compostela (1871-1871) e polo da Coruña (1884-1886), e gobernador do Banco Español na Habana (1891). Foi senador pola Real Sociedad Económica Matritense de Amigos del País (1891) e pola provincia cubana de Matanzas (1893). Ao regresar de Cuba foi nomeado fiscal do Tribunal Supremo (1895). Dirixiu o xornal coruñés El Clamor de Galicia (1881-1882). Defendeu a Curros Enríquez cando foi condenado por Aires da miña terra e publicou Informe oral pronunciado por (...) en defensa de D. Manuel Curros Enríquez (1881). Finou na Coruña o 26 de setembro de 1899.Necrolóxica en La Idea Moderna, 28-9-1899, p. 2.
Notas
Véxase tamén Bibliografía
Ligazóns externas Luciano Puga Blanco, avogado defensor de Curros Enríquez, traduciu mal ó poeta para defendelo ben artigo de Xesús Alonso Montero.
Categoría:Alcaldes de Santiago de Compostela Categoría:Deputados de Galicia no Congreso dos Deputados Categoría:Deputados nas Cortes Españolas durante o Sexenio Democrático
Categoría:Senadores de Galicia Categoría:Nados na Merca
Categoría:Nados en 1842 Categoría:Finados en 1899 Categoría:Alumnos da Universidade de Santiago de Compostela