John Atherton, nado en Somerset, Inglaterra en 1598, finado en Dublín o 5 de decembro de 1640, foi un bispo anglicano da Igrexa de Irlanda, condenado á forca, xuntamente co seu amante, sobre a acusación de sodomía.
Dada a escaseza de rexistros do seu xulgamentoCrompton, Louis. "Homosexuality & Civilization". Harvard University Press, 2006. ISBN 978-0-674-02233-1, a "inocencia" de Atherton remanece como obxecto de estudo.
Biografía
Atherton naceu en Somerset, Inglaterra. Estudou na Universidade de Oxford e uniuse aos clérigos anglicanos. Recibiu o título de bispo de Waterford e Lismore no ano de 1636, por recomendación de Thomas Wentworth, Conde de Strafford e Lord-Tenente de Irlanda. Seis anos despois, Atherton foi condenado á forca pola práctica de sodomía con John Childe, cobrador do décimo.
Conspiración
En 1710 xurdiron rumores de que fora vítima dunha conspiración. Cando foi bispo, Atherton reuniu un gran número de inimigos - católicos e protestantes - grazas á súa campaña para recuperar as terras da IgrexaAldrich, Robert; Wotherspoon, Garry ."Who's Who in Gay and Lesbian History: From Antiquity to World War II". Routledge, 2002. ISBN 0-415-15983-0.
No seu xuízo, Atherton negou a acusación de sodomía perante o tribunal, mais confesoulla ao padre que o visitou no cárcere. A conspiración tería sido organizada por un avogado chamado Butler, envolto nas disputas de terras na rexión de Waterford.
O seu suposto amante, John Childe, foi enforcado en marzo de 1641. En Londres, no mesmo ano, foi impreso un panfleto co poema titulado "The Life and Death of John Atherton" (A Vida e Morte de John Atherton), de autoría descoñecida, que describe a vida e o xulgamento do bispo, alén de explorar a natureza hedionda dos seus crimesCarpenter, Andrew. Verse in English from Tudor and Stuart Ireland". Cork University Press, 2003. ISBN 978-1-85918-373-1.
Notas
Véxase tamén Bibliografía Bray, Alan. Homosexuality in Renaissance England. Londres: Gay Men's Press, 1982. ISBN 0-907040-13-6 Parris, Matthew. The great unfrocked: two thousand years of church scandal. Londres: Robson Books, 1998. ISBN 1-86105-129-8. Ligazóns externas Biografía e o poema "The Life and Death of John Atherton"
Categoría:Bispos anglicanos de Irlanda Categoría:Nados en 1598 Categoría:Finados en 1640 Categoría:Nados en Somerset Categoría:Homofobia Categoría:Aforcados Categoría:Executados