Marcial Taboada de la Riva, nado en Ourense o 15 de marzo de 1837 e finado en Pinto o 23 de abril de 1913, foi un médico e político galego. Traxectoria Doutor en Medicina pola Universidade Complutense de Madrid (1857), abandonou o corpo de sanidade da Armada e especializouse en hidroloxía. Dirixiu os balnearios de Marchena e Panticosa e foi inspector xeral de Sanidade. Militou no Partido Liberal e foi deputado polo distrito do Carballiño (1893-1896 e 1898-1899) e senador polas provincias de Ourense (1897-1898) e Lugo (1901-1902), pola Real Academia de Medicina (1903-1904) e senador vitalicio (1905-1907). Dirixiu o Anuario de Hidrología Médica Española. Foi presidente da Sociedad Española de Hidrología, vicepresidente do Consello de Sanidade e membro da Real Academia de Medicina, da Sociedade de Ciências Médicas de Lisboa e da Société Française d’Hygiéne.
Obras La invasión colérica. El histerismo. Tratado de hidroloxía.
Véxase tamén Ligazóns externas Ficha no Congreso dos Deputados Expediente no Senado
Categoría:Médicos de Ourense Categoría:Deputados de Galicia no Congreso dos Deputados Categoría:Senadores de Galicia Categoría:Nados en Ourense Categoría:Nados en 1837 Categoría:Finados en 1913 Categoría:Personalidades de Galicia sen imaxes finados hai máis de 80 anos Categoría:Alumnos da Universidade Complutense de Madrid