Ramón Rúa Figueroa Fraga, nado en Santiago de Compostela en 1825 e finado en Madrid o 17 de decembro de 1874, foi un enxeñeiro de minas galego.
Traxectoria Estudou de Enxeñería de Minas na universidade de Madrid e chegou a ser enxeñeiro xefe e director das explotacións de Almadén. Irmán de José e Manuel Rúa Figueroa, compartiu con eles a ideoloxía liberal e pertenceu á xeración dos provincialistas galegos, que interviñeron no pronunciamento de 1846. Foi contrario ao intervencionismo estatal e acusou ao Estado da deixación das industrias extractivas. Colaborou en El Recreo Compostelano, El Porvenir, El Clamor de Galicia, despois en La Correspondencia de Galicia e Pero Grullo, e, na última etapa da súa vida, en El Heraldo Gallego. Cara 1855 dedicouse a tarefas literarias, coa escritura de lendas en prosa e un libro de versos titulado Ayer y hoy.
Obras Noticia sobre la explotación del criadero de Rammelsberg (Harz) y beneficio de los minerales de cobre procedentes del mismo, 1856. Noticia sobre la Fábrica de Cobrería y antigua Casa de Moneda de Jubia, 1858. Ensayo sobre la historia de las minas de Río-Tinto, 1859. Minas de Río-Tinto. Estudios sobre la explotación y el beneficio de sus minerales, 1868. Apuntes para una biblioteca española de libros, folletos y artículos, impresos y manuscritos, relativos al conocimiento y explotación de las riquezas minerales y a las ciencias auxiliares, con Eugenio Maffei, 1871. La minería hispana e iberoamericana, repertorio fundamental para la investigación histórica en la materia y otras afines, con Eugenio Maffei. La Minería y la metalurgia española en la Exposición Universal de Viena , Madrid, 1874.
Véxase tamén Bibliografía
Ligazóns externas Biografía
Categoría:Enxeñeiros de Galicia Categoría:Nados en Santiago de Compostela Categoría:Nados en 1825 Categoría:Finados en 1874 Categoría:Personalidades de Galicia sen imaxes finados hai máis de 80 anos