Kosmos 262 (Космос 262 en ruso), tamén denominado DS-U2-GF Nº 1, foi un satélite artificial soviético lanzado o 26 de decembro de 1968 mediante un foguete Kosmos 2I desde a base de Kapustin Yar.
Características Kosmos 262 foi o único membro do modelo de satélites DS-U2-GF. Estaba dedicado a facer observacións do Sol no rango dos raios X e do ultravioleta. Foi inxectado nunha órbita inicial de 818 km de apoxeo e 263 km de perixeo, cunha inclinación orbital de 48,5 graos e un período de 95,2 minutos. Reentrou na atmosfera o 18 de xullo de 1969.
Instrumentos Kosmos 262 levaba a bordo fotómetros de 16 canais para observar diversos corpos, e en especial o Sol, no ultravioleta e en raios X.
Notas
Véxase tamén Bibliografía
Categoría:Satélites Kosmos Categoría:Programa Dnepropetrovsk Sputnik