310x310px|miniatura|Mapa dos municipios de Portugal. Esta é a lista de municipios de Portugal ordenados alfabeticamente. En Portugal, os municipios tamén son chamados concellos, existindo actualmente 308 municipios, 278 no Portugal continental, 11 na Madeira e 19 nos Azores.
Historia Un decreto lei do 11 de xullo de 1822 creou 785 concellos e 4.086 xuntas parroquiais, máis tarde coñecidas como xuntas de freguesía, en Portugal. Non obstante, as novas estruturas só se consolidaron despois da reforma de 1832 de Mouzinho da Silveira.
Máis tarde, en 1836, un decreto lei de Passos Manuel fixou o número de municipios (concellos) en 351. Na última década do século XX e na primeira do século XXI, estabelecéronse varios movementos para a creación ou restauración de concellos, así como unha Liga de Futuros Concellos (Lifuco), destacando os intentos de crear ou recrear Vizela, Canas de Senhorim e Fátima. Non obstante, só se crearon Odivelas, Trofa e Vizela, e Fátima e Canas de Senhorim sufriron un veto presidencial en 2003, o que desalentou futuros intentos de crear novos concellos.
Lista de municipios existentes Un total de 110 dos 308 municipios portugueses tiñan menos de 10 mil habitantes en 2011, sendo 93 deles localizados no continente, 12 na R.A. dos Azores e 5 na R.A. da Madeira. Destes 110 municipios, 38 tiñan menos de 5 000 habitantes en 2011.
A poboación total portuguesa rexistrada no censo de 2021 foi de 10 347 892 habitantes, sendo 236 657 nos Azores, 251 060 na Rexión Autónoma de Madeira e 9 860 175 en Portugal continental.