Andrés Gil Municio, nado na provincia de Segovia e finado en Madrid o 24 de outubro de 1957,Necrolóxica en ABC foi un avogado e político español, que fixo gran parte da súa carreira política en Galicia.
Traxectoria Irmán de Dámaso Gil Municio e procedente de Alameda del Valle (Segovia). Foi elixido deputado provincial polo distrito de Riaza-Sepúlveda en 1917 e 1921. Logo do seu matrimonio con Asunción Paradela en 1920 trasladouse a Monforte de Lemos, onde estivo vinculado ao movemento agrarista católico. Durante a II República traballou como delegado da Mutualidade Agropecuaria en Ourense.Memoria presentada por la presidencia de la Asociación General de Ganaderos de España . Presidiu o Partido Agrario Español de Monforte e foi proclamado candidato para as eleccións de novembro de 1933."Lugo. Proclamación de candidatos" in El Pueblo Gallego, 14-11-1933, p.14. Tivo enfrontamentos co alcalde Rosendo Vila Fernández. Participou no mitin do Bloque Nacional en Monforte nas eleccións de febreiro de 1936.La Voz de Galicia, 14-2-1936, p. 9. Puxo a estrutura do PAE ao servizo da conspiración contra a República, e o 21 de xullo de 1936 armou e mobilizou a algúns caseiros e afiliados do Sindicato Agrario de Monforte para axudar a Garda Civil a quebrar a resistencia ao golpe de Estado.'Veña encargarse do seu fillo que llo deixamos aí morto' Posteriormente instalouse en Madrid onde desenvolveu a súa carreira como avogado, e regresaba a Fiolleda nos veráns.
Vida persoal
Casou en Madrid en xuño de 1920 con María de la Asunción Paradela Arias, filla de Alfredo Paradela Martínez e neta de Manuel Arias Rodríguez, que fora alcalde de Monforte de Lemos,El Norte de Galicia, 23-6-1920, p. 1. e tivo seis fillos: María Asunción, Andrés, Pedro, María Pilar, María Natividad e Francisco Javier Gil Paradela. Foi o avó de Fiorella Faltoyano.
Notas
Categoría:Políticos de Galicia Categoría:Nados na provincia de Segovia Categoría:Finados en 1957