Laura Bugalho, nada en Santiago de Compostela o 6 de maio de 1964 é unha sindicalista e activista galega en diversas causas políticas e sociais, principalmente os dereitos das persoas migrantes, os dereitos das persoas transexuais e a autodeterminación de Galiza.
Traxectoria Diplomada en Maxisterio e licenciada en Pedagoxía, na especialidade de Intervención Social, traballa como sindicalista da CIG desde 1992. Asemade ten destacado como activista LGBT, transfeminista e a prol dos dereitos das persoas migrantes. É membro do Foro Galego de Inmigración, do colectivo Stop Desahucios Compostela e tamén milita na causa soberanista galega, amais de ser fundadora da asociación Transgaliza.
Ten publicado diversos artigos en publicacións como Andaina, A Nosa Terra, Novas da Galiza, Galiza Livre, Diário LiberdadeArtigos de Laura Bugalho en Diário Liberdade e Sermos Galiza.
En 2009 Laura Bugalho axudou a sacar á luz a trama da chamada Operación Peregrino, na que 57 persoas de orixe marroquí foran traídas a España coa promesa dun emprego despois de abonaren dez mil euros.Se xulgan a Laura Bugalho, xúlgannos a todas A raíz daquel caso Bugalho foi acusada de falsidade documental e sometida a xuízo, mais chegaría a un pacto coa Fiscalía tras defender en todo momento que as acusacións partían dunha vinganza policial.
É unha das protagonistas do libro Memoria diversa de Eva Mejuto.
Recoñecementos Laura Bugalho ten recibido, entre outros, os seguintes premios e recoñecementos: Premio Legais 2001 á Defensa dos Dereitos e Liberdades LGBT. Premio Triángulo de Ouro EHGAM 2009. Premio Nicolás Salmerón 2011 na categoría de Defensa das Liberdades Sexuais.
Notas
Véxase tamén Ligazóns externas
.
Categoría:Sindicalistas da CIG Categoría:Nados en Santiago de Compostela Categoría:Nados en 1964