Ulpiano Benito Piña, nado en Valeixe (A Caniza) o 21 de marzo de 1885 e finado na Habana o 4 de xuño de 1972, foi un farmacéutico e político galego.
Traxectoria Emigrou a Cuba con 25 anos e rematou o Bacharelato en Jovellanos (Matanzas). Estudou Farmacia na Habana e gradouse en 1921. Na capital abriu e o seu propio establecemento. Regresou a España e revalidou os seus estudos en Madrid. Estableceuse en Tui coa súa segunda muller, Carmen Castiñeira, onde tivo farmacia, droguería e óptica. De ideas republicanas, co golpe de Estado do 18 de xullo de 1936 requisáronlle a farmacia. Fuxiu a Lisboa co médico Hermenegildo Losada Loureiro, onde embarcou para Francia. Foi xulgado por rebelión militar e declarado en rebeldía; tamén foi expedientado por responsabilidades políticas e sancionado. De Francia marchou a Nova York e despois volveu a Cuba. Radicouse en Baracoa onde volveu abrir unha farmacia. Marchou despois a Puriales de Caujerí, onde fundou outra farmacia, para finalmente establecerse na Habana.
Véxase tamén Bibliografía
Ligazóns externas A mi abuelo, el Dr. Ulpiano B. Piña que se vio obligado a morir en el destierro Un protector gallego de indígenas en Cuba Noticia en Faro de Vigo
Categoría:Exilio galego Categoría:Galegos de Cuba Categoría:Nados na Caniza Categoría:Nados en 1885 Categoría:Finados en 1972 Categoría:Farmacéuticos da Caniza