Mateu Isern Estela, nado en Sineu o 4 de abril de 1959, é un político balear.
Traxectoria Estudou no colexio Luis Vives e en 1976 iniciou a carreira de dereito na Universidade das Illas Baleares, licenciándose en 1981. Milita no PP desde a década de 1990.
Da man de José María Rodríguez, formou parte do consello de administración da Societat Municipal d'Aparcaments. Con anterioridade, traballou como xefe dos servizos xurídicos no Banco de Crédito Balear, departamento no que coincidiu co que posteriormente foi Presidente do Congreso dos Deputados Félix Pons, e co avogado Tomeu Sitjar.
Nas eleccións municipais de España de 2011, o seu partido, o PP, gañou en Palma con 17 dos 29 concelleiros, coa maioría absoluta máis folgada da historia de Palma. Tras isto, foi investido alcalde de Palma o 11 de xuño de 2011 cos votos dos concelleiros do seu partido (17) a favor, e cos do PSIB-PSOE (9) e a coalición PSM-IniciativaVerds-Entesa (3) en contra.
Notas
Categoría:Alcaldes de Palma Categoría:Políticos do PP Categoría:Nados en Mallorca Categoría:Nados en 1959