Roger François Ducret, nado en París o 2 de abril de 1888 e finado na mesma cidade o 8 de xaneiro de 1962, foi un tirador de esgrima francés, gañador de oito medallas olímpicas.
Traxectoria Especialista nas tres modalidades de esgrima: florete, espada e sabre, participou aos 32 anos nos Xogos Olímpicos de 1920 celebrados en Anveres, gañando a medalla de prata na proba por equipos e a medalla de bronce na proba individual de florete. Participou tamén na proba individual de espada, aínda ben que non tivo éxito. Nos Campionatos do Mundo de 1923 levou unha medalla de bronce en espada individual, a única da súa carreira nestas competicións. Nos Xogos Olímpicos de 1924 de París converteuse no gran vencedor da esgrima, ao gañar cinco medallas nas cinco probas disputadas: a medalla de ouro nas probas de florete individual e por equipos, así como na proba de equipos de espada; e a medalla de prata na proba individual de espada e na individual de sabre. Nos Xogos Olímpicos de 1928 de Ámsterdan logrou gañar unha nova medalla de prata na proba por equipos na modalidade de florete, finalizando quinto na proba de sabre por equipos, oitavo en sabre individual e noveno en florete individual.
Véxase tamén Ligazóns externas www.olympic.org - Roger Ducret www.sports-reference.com - Roger Ducret
Categoría:Nados en 1888 Categoría:Finados en 1962 Categoría:Esgrimistas olímpicos de Francia Categoría:Medallistas olímpicos en esgrima Categoría:Esgrimistas de sabre Categoría:Esgrimistas de espada Categoría:Esgrimistas de florete Categoría:Medallistas olímpicos de ouro por Francia Categoría:Medallistas olímpicos de prata por Francia Categoría:Medallistas olímpicos de bronce por Francia Categoría:Medallistas nos Xogos Olímpicos de 1920 Categoría:Medallistas nos Xogos Olímpicos de 1924 Categoría:Medallistas nos Xogos Olímpicos de 1928 Categoría:Nados en París Categoría:Esgrimistas nos Xogos Olímpicos de 1920 Categoría:Esgrimistas nos Xogos Olímpicos de 1924 Categoría:Esgrimistas nos Xogos Olímpicos de 1928