Giulio Gaudini, nado en Roma o 28 de setembro de 1904 e finado na mesma localidade o 6 de xaneiro de 1948, foi un tirador de esgrima italiano, gañador de nove medallas olímpicas.
Traxectoria Especialista nas modalidades de florete e sabre, participou aos 19 anos nos Xogos Olímpicos de 1924 celebrados en París, rematando cuarto na competición por equipos de florete. Nos Xogos Olímpicos de 1928 de Ámsterdan gañou a medalla de ouro na proba de florete por equipos así como a medalla de bronce na competición individual. Nos Xogos Olímpicos de 1932 revalidou a medalla de bronce, ao tempo que gañaba tamén a medalla de prata na competición por equipos desa modalidade e a medalla de prata na proba individual e por equipos en sabre. Nos Xogos Olímpicos de 1936 de Berlín foi o portabandeira da delegación italiana na cerimonia inaugural e gañou a medalla de ouro nas probas de florete individual e por equipos, así como a medalla de prata na proba de sabre por equipos, rematando sexto na competición individual desta última modalidade.
Ao longo da súa carreira gañou 17 medallas no Campionato do Mundo de Esgrima, entre elas oito de ouro.
Véxase tamén Ligazóns externas www.olympic.org - Giulio Guadini www.sports-reference.com - Giulio Guadini
Categoría:Nados en 1904 Categoría:Finados en 1948 Categoría:Esgrimistas olímpicos de Italia Categoría:Medallistas olímpicos en esgrima Categoría:Esgrimistas de sabre Categoría:Esgrimistas de florete Categoría:Medallistas olímpicos de ouro por Italia Categoría:Medallistas olímpicos de prata por Italia Categoría:Medallistas olímpicos de bronce por Italia Categoría:Nados en Roma Categoría:Medallistas nos Xogos Olímpicos de 1928 Categoría:Medallistas nos Xogos Olímpicos de 1932 Categoría:Medallistas nos Xogos Olímpicos de 1936 Categoría:Esgrimistas nos Xogos Olímpicos de 1924 Categoría:Esgrimistas nos Xogos Olímpicos de 1928 Categoría:Esgrimistas nos Xogos Olímpicos de 1932 Categoría:Esgrimistas nos Xogos Olímpicos de 1936