José Baltasar Silveira Cañizares, nado en 1938 en Helechosa de los Montes (Badaxoz), é un empresario vigués do sector da mariña mercante.
Traxectoria De pai galego, naceu en Estremadura pero estudou bacharelato en Toledo e Náutica na Coruña, na especialidade de máquinas. Ao rematar a carreira, comezou a traballar como xefe de máquinas nalgúns dos buques pesqueiros de Pescanova. A principios dos setenta comeza a facer investimentos no sector inmobiliario, e en 1974 funda Remolcanosa, a primeira empresa do sector en Galiza e en España.
Empresario navieiro A primeira expansión da empresa foi a compra da portuguesa Tinita, que transforma en Remolcanosa Portugal. En 1997 adquire a empresa pública española Elcano, a maior navieira do estado naquel momento, dedicada fundamentalmente ao transporte de petróleo e derivados a granel. Múdalle o nome á empresa e chámaa Empresa Naviera Elcano, que integra no grupo empresarial Nosa Terra. Posteriormente merca a brasileira Docenave, que pasa a chamarse Elcano Brasil (2001), e crea Elcano Argentina.
En 1997 entra no negocio da sanidade coa compra da clínica viguesa Povisa, o maior hospital privado do estado. En 2002 merca tamén o sanatorio compostelán Nuestra Señora de la Esperanza.
É vicepresidente da cámara de comercio de Vigo e vicepresidente da aseguradora Aegón España.
Galardóns Medalla de ouro do Club Financeiro de Vigo Medalla de prata de Galicia en 2002.Resolución no DOG.
Notas
Véxase tamén Ligazóns externas Un extremeño es el magnate de los remolcadores gallegos .
Categoría:Empresarios de Galicia Categoría:Medalla de Prata de Galicia Categoría:Nados en Helechosa de los Montes Categoría:Nados en 1938