La Sasònia (en todèsch: Sachsen; en Alt Soràbo: Sakska) l'è giü dei sédes stacc (en todèsch: Länder) de la Repüblica Federàl de Germania. El stat el cuàrcia zó n'àrea de presapóch 18.415 km² e 'l g'ha 'n totàl de 4.154.000 abitàncc. L'è colocàt endèla part orientàl de la Germània centràl. La capitàl l'è la cità de Dresda. Ótre cità 'mportànte de la Sasònia i è Lìpsia, che l'è apò a la cità piö pupulùza, e Chemnitz.
Dòpo la fì de la Segónda Guèra Mondiàl e 'nfìna al 1990, an de la riünificasiù, la Sasònia la g'ha fat part de la Repüblica Democràtica Todèsca (la DDR). 'Ntra i quàter Länder orientài che prìma fàa part de la DDR l'è chèl che del ónt de vìsta econòmich el dà sègn de piö fòrte vivacità. Ol sò mut piö olt a l'è el Fichtelberg.
La Sasònia la cunfìna co la Repüblica Céca a sud e co la Polonia a est. En piö la cunfìna coi Länder de la Türìngia a òvest, co la Baviera per en tuchilì sèmper a èst, col Brandebùrgo a nòrt e co la Sasònia-Anhalt a nordòvest.
Endèla part orientàl de la Sasònia, endèla regiù de la Luzàsia (en todèsch: Lausitz), entùren a la cità de Bautzen (en soràbo: Budyšin), se pàrla 'l Soràbo, che l'è 'na lèngua slàva ucidentàl emparentàda col polàco.
Riferimèncc