Apucaliss La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Quindes 1E huu vedüü un alter sègn in del cél, grand e meravejús, sètt àngiul avendugh i sètt piagh ültim, perchè cun lur la se cumpo l'è stada finida l'ira de Diu. 2E huu vedüü cuma un mar de veder mes'ciaa cun fögh anca quij che vingen deforsi, utegnen vitoria sü la bestìa e de la sua imagen e del nümer del sò nomm stand in pee sül mar de veder avendugh ceter de Diu. 3E canten la canzún de Musè, el sèrv del Signúr e la canzún del berìn, disend: «Grand e meravejús [hinn] i tò oper, Signúr Diu ugniputéntleteralamént, Signúr, el Diu, l'ugniputént; Giüst e vér [hinn] i tò ví, El Rè di sèculun quij manüscritt; alter manüscritt disen di naziún; 4Chi 'l duarìa minga avègh paüra de tìo chi 'l gh'avarà minga paüra de tì, Signúr, e 'l darà minga gloria al tò nommleteralamént, el glurifegarà minga 'l tò nomm? Perchè tì soll te seet sant, Perchè tücc i naziún vegnarànn E s'ingenugiarànno adurarànn denanz a tì, perchè i tò giüdizio att giüst hinn staa manifestaa». 5E dopu de chèstcoss huu vedüü, e l'è staa dervii 'l témpi de la tènda de la testimunianza in del cél, 6e hinn vegnüü föra i sètt àngiul che gh'hann i sètt piagh del témpi, vestii [de] lin nètt risplendént e scengiüü inturna i pècc [de] cint d'or. 7E vün di quater vèss vivént l'ha daa a i sètt àngiul sètt basìnno copp d'or impienii de l'ira del Diu che 'l viv in di sècul di sècul. 8E 'l témpi l'è staa impienii de fümm de la gloria de Diuleteralamént, del Diu e de la sua puténza, e nigün el pudeva nà denter in del témpi fin che füssen cumpii i sètt piagh di sètt àngiul.
Navigaziun ← Indree a Capitel Quatordes Inanz a Capitel Sedes → A l'indes
Categoria:Apocaliss del Giovann