Retenaa (Ratanaa in la pronuncia del sitt; Retenate in Italian) l'è ona frazion del comun milanes de Roeudin. El paesin (che in fond l'è domà ona cassina), del qual se troeuven informazion giamò a partì del XIV secol, el se troeuva in sù la strada che la mena a Pioltell. Retenaa l'è staa per on bell poo de temp on comun indipendent, che 'l partegniva a la piev de Gorgonzoeula. In del 1753 l'è staa unii a Vignaa e poeu a Roeudin. A Retenaa per on poo de temp (1897-1901) el prevost l'è staa el don Giuseppe Gervasini, mej conossuu proppi cont el nomm de prett de Ratanaa. Font lombardiabeniculturali.it
Categoria:Frazzion di comun de la cità metropolitana de Milan Categoria:Vegg comun de la provincia de Milan