Belgrad (in serb Београд - Beograd, che 'l voeul dì Cità Bianca) a l'è la capital e la cità che ghe viv pussee de sgent de la Serbia: l'è in su la confluenza de la Sava in del Danubi.
Ministrazzion A nivell ministrativ l'è spartid in derset comun, des urban (Čukarica, Novi Beograd, Palilula, Rakovica, Savski Venac, Stari Grad, Voždovac, Vračar, Zemun e Zvezdara) e set suburban (Barajevo, Grocka, Lazarevac, Mladenovac, Obrenovac, Sopot e Surčin), cont i ultim che gh'hann pussee de poder in la gestion di servizzi urban. A gh'è un sindegh, un'assemblea municipal, un consili comunal e 'na ministrazzion citadina.
Gemellagg Belgrad a l'é gemelad con: Chicago, Stat Unid Coventry, Regn Unid Lahore, Pakistan Tel Aviv, Israel Lubiana, Slovenia Stocolma, Svezzia Corfù, Grecia
Coltura Musee La cità l'è ben siora de musee, gh'è vari musee d'art, tant 'me quei d'art africana, d'art aplicada, d'art contemporanea, el musee de l'art teatral e 'l musee di illusion.
El Musee nazzional de la Serbia el gh'ha dent varie collezzion d'art, de archeologia e de numismatega. El comun el gestiss el Musee civegh de Belgrad, anca lu con varie collezzion.
Per quell che revarda la coltura, a gh'è el Musee etnografegh e 'l musee de la coltura rom a Belgrad.
A nivell storegh, se gh'ha de tirà a man el musee storegh de la Serbia, el musee militar e 'l musee de la Jugoslavia, che 'l gh'ha dent anca la Cà di Fior, o ben el mausolee del Josip Broz Tito.
Per scenza e tecnega a gh'è el Musee Nikola Tesla, el musee ferroviari, el musee postal, el musee aeronautegh e 'l musee de storia natural.
Ligam de foeura Sit ofizzial
Alter proget
Categoria:Capitaj de l'Europa Categoria:Cità de la Serbia Categoria:Distret de la Serbia