Cymbalaria muralis (en bresà l'ìa ciamàda Erba retondèlaGiovanni Battista Melchiori: Vocabolario bresciano-italiano, Volume 1) l'è 'na piànta erbàcea de la famìa botànica de le Plantaginaceae ma l'è stàda per tat tép inserìda 'ndèle Scrophulariaceae.GRIN L'è uriginària de Euròpa mediterànea ma la s'è natüralizàda 'n divèrsi óter pòscc.
Descrisiù L'è 'na piànta perène, che rèsta bàsa (5 ghèi) e che se propàga dré a tèra. La crès dré ai mür (mèi se 'n bris ömecc) e dré a le préde, de rar endèl teré deèrt.
La g'ha fòie rotónde o a fùrma de cör, con lòbi en nömer de tré a sèt, de 2,5 a 5 ghèi de larghèsa. I gambì i è fì fì, e i pör rià 'nfìna a 70 ghèi de longhèsa. I fiùr i è sùi, grancc 1 ghèl, co la coròla culùr lìla o viòla ciàr, i crès a la sèa de le fòie.
Chèsta spéce la g'ha 'n método de propagasiù töt particolàr. El gambì del fiùr, en prensépe l'è fototròpich puzitìf, cioè el ghe cor dré a la lùce; dòpo la fecondasiù del fiùr envéce el fototropìsmo el deènta negatìf cioè el ghe scàpa vià a la lùce, e chèsto el favorés la dispersiù de la somésa dré a le crèpe del mür o de le préde 'ndóche la piànta la crès.Hart, James Watnell (1990). Plant tropisms and other growth movements. p. 101. Springer. ISBN 9780412530807.
Sinònim Antirrhinum cymbalaria L. Elatine cymbalaria (L.) Moench Linaria cymbalaria (L.) Mill. Linaria acutangula Ten. Linaria cymbalaria (L.) Mill. subsp. cymbalaria (L.) Mill. Linaria cymbalaria var. cymbalaria (L.) Mill.
Riferimèncc
Colegamèncc estèrni
Fóti e nutìsie vàrie
Categoria:Plantaginaceae