La Germània Ucidentàla o Germània del Òest (‘n todèsch Bundesrepublik Deutschland, Westdeutschland o West-Deutschland) l’è stacc ü nòm popolàr dovràt per ciamà chèla che al dé de ‘ncö l’è la Repüblica Federàla Todèsca (RFT) e mia sconfóndela sö co l'ótra Germània, chèla del Est. Ol nòm l’è stài dovràt al tép de la guèra frègia e per ès piö precìs dal 29 de mas del 1949, quàndo l’è nasìda la RFT, ‘nfìna al 3 de utùer del 1990 quando, dòpo che l'è burlàt zó 'l mür de Berlì, i dò Germànie ì è turnàde ‘nsèma e la Germània del Est l’è sparìda e ‘l sò teritòre l’è turnàt a la RFT dòpo quarant àgn.
La capitàl de la Germània del Òest l'éra Bonn.
Categoria:Partizzion de la Germania Categoria:Guerra Freggia Categoria:Stat nassud in del 1949 Categoria:Stat finid in del 1990