Ostrya, l'è 'n zèner de piànte che töl dét 10 spéci (giöna de chèste l'è 'n fòsil) de àlber de dimensiù pötòst pesène, a fòie che cröda 'n envéren e che fà part de la famìa botànica de le Betulaceae. L'è uriginàre de l'Europa meridiunàla, de l'Asia meridiunàla e orientàla, de l'America setentriunàla e centràla.
Le piànte de le spéci che fà part del zèner Ostrya i è alber de dimensiù pesène co la chiòma a fùrma cònica o iregolàr e la scórsa rügùza. Le fòie i è altèrne a dentadüra dópia e de longhèsa che và dei 3 ai 10 ghèi. I fiùr i compàr en primaéra, chèi mascc i è de 5÷10 ghèi e chèi fèmina de 3÷10 ghèi. I fröcc i vé a furmà 'na gratilìna che pindùla zó de 3÷6 ghèi de longhèza con 6÷20 granì de somésa.
Spéci Ostrya carpinifolia Scop. o tàera. Ostrya chisosensis Correll Ostrya guatemalensis Rose Ostrya japonica Sarg. Ostrya knowltonii Coville Ostrya multinervis Rehder Ostrya rehderiana Chun Ostrya virginiana (Mill.) K.Koch Ostrya yunnanensis W.K.Hu † Ostrya oregoniana (fòsil)
Categoria:Betulaceae