Zanà, (o apò Zenà; en Italià: Zanano) l'è 'na frasiù del cümü de Sarès, en Val Trompia, pruvìncia de Brèsa. La se tróa a nord del capolöch del cümü e 'l sò teretóre l'è strersàt de la Mèla e de la stràda pruvinciàla SP BS-48 (ciamàda de le Trè Ai).
El nòm del paés el par vègner del nòm de la "gens" preromàna dei Gennanates che 'n antichità la popolàa la bàsa/média Val Trompia. El nòm del paés l'è atestàt col nòm de Zenate alméno 'nfìna al 1300.
De éder el Palàs Avogàdro, 'na abitasiù furtificàda fàda sö 'ndèl sècol XIV de la famìa Avogadro de Brèsa, piö tàrde sgrandìda fò e dotàda de 'na capèla dedicàda a S. Martì. Al dé d'encö l'è dopràda come séde de móstre.
Categoria:Val Trompia Categoria:Frazzion di comun de la Provincia de Bressa