L'India a l'è on pajes ind el sud de l'Asia.
La capital a l'è New Delhi. A l'è el setom pajes del mond per superfiss, cont 3.166.414 km² e'l segond per popolazzion (pussee d'on milliard e cent million d'abitancc, che'l 70% a l'è sota i 35 agn). L'alfabetizaziun a l'è al 62%.
Geografia L'India a l'è tacada al Pakistan a sira, a la Cina, al Nepal e al Bhutan a nord-est, al Bangladesh e al Myanmar a matina. Ind el Oceen Indian, l'India a l'è arent al Isri Lanka, ai Maldive e a l'Indonesia. La costa de l'India a l'è longa pussee de setmila chilometer e la da in su l'Oceen Indian a sud, el Mar Arabegh a ovest e 'l Golf del Bengala a est.
Storia La conquista britanega de l'India la scomenza in del 1715. L'ultem vicerè ingles de l'India a l'è stad el Lord Mountbatten.
In del lui del 1947, a Londra a l'è stad votad el palpee d'independenza; la comission Radcliffe l'iva studiad na frontera per la creazzion de du stacc: l'Union Indiana, per la pupart induista, e 'l Pakistan, per la pupart mussulman.
L'independenza a l'è stada proclamada ind el 15 d'avost del 1947. La constituzzion de l'India a l'è del 1950.
L'India a l'è stada quater voeulte in guera contra el Pakistan: in del 1948, 1965, 1971, 1999.
Organizazzion politega L'India (nom ofizzial: भारत गणराज्य, Republega de l'India, in hindi) a l'è una republega federala. El President a l'è el Ram Nath Kovind (del 2017). El Prim Minister a l'è el Narendra Modi (del 2014).
Aministrazzion
La Republega indiana l'è fada de 28 Stacc Federai e de 7 Territori de l'Union; tucc i stacc federai, el territori de la Capital de Delhi e'l teritori de Pondicherry gh'han un govern elensgiud; i territori che resten i gh'han n'aministrazzion del govern nazzional central e i fan riferiment per via direta al President de la Republega. i stacc e i territori a inn poeu fad in distrecc, pressapoch 600. I distret gh'han dent i tehsil (o, a segonda de la lengua, tahsil, taluka, taluk, mandal).
300px|right
Noeumer Stat Codes Capital 1 Andhra Pradesh AP Hyderabad 2 Arunachal Pradesh AR Itanagar 3 Assam AS Dispur 4 Bihar BR Patna 5 Chhattisgarh CG Raipur 6 Goa GA Panaji 7 Gujarat GJ Gandhinagar 8 Haryana HR Chandigarh 9 Himachal Pradesh HP Shimla 10 Jammu e Kashmir JK Jammu (invern)Srinagar (està) 11 Jharkhand JH Ranchi 12 Karnataka KA Bangalore 13 Kerala KL Thiruvananthapuram 14 Madhya Pradesh MP Bhopal 15 Maharashtra MH Mumbai 16 Manipur MN Imphal 17 Meghalaya ML Shillong 18 Mizoram MZ Aizawl 19 Nagaland NL Kohima 20 Orissa OR Bhubaneswar 21 Punjab PB Chandigarh 22 Rajasthan RJ Jaipur 23 Sikkim SK Gangtok 24 Tamil Nadu TN Chennai 25 Tripura TR Agartala 26 Uttar Pradesh UP Lucknow 27 Uttarakhand UL Dehradun 28 West Bengal WB Kolkata
Noeumer Territori de l'Union Codes Capital A Isul Andamann e Nicobar AN Port Blair B Chandigarh CH Chandigarh C Dadra e Nagar Haveli DN Silvassa D Daman e Diu DD Daman E Lakshadweep LD Kavaratti F Teritori de la Capital Naziunala de Delhi DL New Delhi G Pondicherry PY Pondicherry
Categoria:India