Trenord a l'è ona società de straport ferroviari che la opera in Lombardia. A l'è ona società a responsabilità limitata cont i sò quot spartii a mità in tra el Grupp FNM e la Trenitalia.
Storia Originariament ciamada "Trenitalia LeNord" l'è nassuda el 4 de agost del 2009 de la fusion de la società regional LeNord e de la Division Regionala Lombardia de la Trenitalia. Comé primm pass a hinn faa su on noeuv center de manutenzion e nettada.
Dal 30 ottober 2009 gestissen el straport ferroviari regional lombard, cont di contratt estenduu finna al dì d'incoeu.
L'ha poeu ottegnuu de gestì i servizzi TiLo, Eurocity e de on quaj EuroNight in collaborazion cont ÖBB e Deutsche Bahn.
Lign e servizzi Trenord l'ha ereditaa i fonzion de Trenitalia e LeNord, e donca la gestiss 42 lign regionai, 12 lign suburban, el servizzi aeroportoal Malpensa Express e i straport internazionai in tra la Lombardia e l'Austria e la Germania.
A gh'è donca 2200 cors al dì, che servissen 650000 personn in su 1920 km de lign gestii da RFI e FerrovieNord.
Material rotabil La Trenord la gh'ha 1850 tocch e donca 459 treni in composizion regolar, inscì spartii: Locomotiv elettrich Locomotiva FS E.464 Locomotiv Diesel Locomotiva FS D.445 Elettrotreni Treno Servizio Regionale Treno Alta Frequentazione Convoglio Servizio Aeroportuale Carevasg Donizetti Autotreni ed Automotris Automotris FS ALe 582 Autotreno TN ATR 125 Autotreno TN ATR 115 Autotreno TN ATR 220 Autotreno TN ATR.803 ALn 668 Automotris SNFT ALn 668-120 Automotris SNFT ALn 668-130 Automotris SNFT ALn 668-140 Carrozz passegee Pianal rebassaa, sia in version semipilota che normal Carrozza FS tipo MDVC, sia in version semipilota che normal Carrozza a du pian tipo 1979, sia in version semipilota che normal Vivalto, sia in version semipilota che normal
El sò deposit a l'è el Deposit de Milan Fiorenza. La flotta la gh'ha on'età media de 19 agn, e 'l 45% a l'è pussee vegg de 35 agn.
Riferiment La flotta - Elettromotrici Lombardia: Slitta Al 31 Marzo La Fusione Fra Trenitalia E Le Nord. Lo Impone Una Normativa Consob Trenord - l'azienda Vos correlaa FerrovieNord TiLo
Ligamm de foeura Sit offizial