Europa l'è el quart dei satèliti natürài del pianéta Giove per dimensiù e 'ntra chèi che g'ha la màsa piö grànda de töt el Sistema Solar. L'è stat scuprìt del Galileo Galilei ai 7 de zenér del 1610 ensèma a Io, Ganimede e Calisto, de alùra ciamàcc töcc ensèma "satèliti galileià" (ma apò a "satèliti medìcei").
Europa el ghe gìra entùren a Giove conden perìot de presapóch tré dé e mès (dé terèstri); el semiàs magiur de la sò òrbita l'è de 670.900 km. L'orbita l'è praticamènt circolàr condena ecentricità de 0,0094 e 'n inclinasiù de apéna 0,470° en confrónt al equatùr de Giove.
Compagn de töcc i óter satèliti galileià Europa l'è en rotasiù sìncrona con Giove, conden emisfér del satèlite che 'l vàrda sèmper 'nvèrs el pianéta.
Le oservasiù fàde endel 1994 per mès del spetrografo a bórt del telescòpio spasiàl Hubble le g'ha pirmitìt de stabeléser la prezènsa de 'n atmosfera, aisebé che dèbola dèbola, entùren al satèlite, cumpunìda de osìgeno.Hall, D. T. et al.; Detection of an oxygen atmosphere on Jupiter's moon Europa, Nature, Vol. 373 (23 February 1995), 677–679 (accessed 15 April 2006) La presiù atmosférica al leèl del teré l'è de l'ùrden del micropascàl. de töcc i satèliti del Sistema Solar, apéna amò sés (Io, Ganimede, Calisto, Titano, Encelado e Tritone) i g'ha 'na atmosféra apresàbil.
Riferimèncc
Categoria:Satelit del Sistema Solar Categoria:Astronomia