El cróm l'è 'n elemènt chìmich enserìt endèla tàola periòdica dei elemèncc col sìmbol Cr. El g'ha nömer atòmich 24, che völ dì che 'l nùcleo de 'n àtom de cróm el g'ha 24 prutù. L'è 'n metàl de tranzisiù de culùr gris löster arzentàt, che pöl ensomeàsen en pó al aciàio. L'è dür ma fràgil, mìa fàcil de coróder. L'è dopràt en metalurgìa pròpe per le sò caraterìstiche de rezistènsa a la curuziù e de brilantèsa.
Divèrsi compòscc derivàcc del cróm i è dopràcc endel'indüstria dei coloràncc per la varietà de culùr che i sò compòscc i pöl vìga. Chèsta varietà de culùr la g'ha dat urìgin apò a 'l sò nòm, difàti en gréco "chroma" vülìa dì culùr.
Categoria:Element chimeghCategoria:Metai