La red di tram de Milan a l'è componnuda de 17 lign urban e a gh'hann ona longhezza totala de circa 180.3 km, la pussee longa d'Italia.
I vittur de tram a hinn ona part tipiga del paesagg urban milanes. I tram pussee caratteristigh de la red de tram milanes a hinn i inscì ciamaa "tipo 1928" (serie 1500), costruii intra el 1928 e il 1932 in 502 esemplar e anmò in gir in 163 unitaa.
De la red interurbana, che la conligava el capo-loeugh a on quaj estremm de la provincia e on quaj capo-loeugh vesin, el resta ativa la linia Milan-Limbiaa, menter per la Milan-Seregn, che adess a l'è minga in esercizzi, a l'è preveduu on mïorià.
Red Lign urban La red di tram a l'è componnuda de 17 lign urban: Grech (Rovereto) - Roseri Bovisa, Piazzal Bausan - Restocch, Piazza Negrelli Domm - Grattasoeuj Largh Cairoli - Ninguarda (Parch Nord) Ortiga - Ospedal Maggior (Ninguarda) Piazzal Lagosta - Quarter Adrian Central FS - Porta Genova FS Vial Lunigiana - Piazza XXIV Magg Roseri - Calvairaa, Vial Molise Cimiteri Maggior - Lorentegg Domm (Dovanna) - Rozzan (Via Guido Rossa) San Sir Stadi - Calvairaa, Via Monte Velino Villapizzon, Piazza Castelli - Lambraa FS Piazza Fontanna - Vigentin Piazza Fontanna - Talied, Vial Ungheria Bicocca M5 - Scinisell Rimembranze de Lambraa - Piazzal Lagosta
Duu lign de la red urbana a vann foeura i confin comunaj: el 15 che la riva a Rozzan; el 31 che la riva a Cinisell Balsom, traversand on tòcch picinin indel comun de Sest San Giovann.
Lign interurban In passaa, Milan a l'era el center de ona granda red di tram interubana; al 2015, a l'era però ativa domà ona linia, la Milan-Limbiaa. El servizzi insu la tramvia Milan-Desi a l'è staa sopress el 30 settember 2011, spetand la recostruzion de la linia istessa comè ona pussee moderna metrotranvia. Milan - Desi (sopress e rimpiazzaa da la coriera 166) Comasina M3 - Mombell (Limbiaa) (sopress e rimpiazzaa da la coriera 165)
Vos corelaa Tram sabbier de l'ATM Gioconda (tram)
Ligamm de foeura Sitt offizial de la società esercent Immagin de la red tranviaria de Milan, da photorail.com Immagin de la red tranviaria de Milan, da railfaneurope.net
*