Dio ind el pensee monoteista l’è despess vist compagn de on vess supremm, on creador e l’ogett prenzipal de la venerazion de ona communitaa de fidej.Swinburne, R.G. "God" in Honderich, Ted. (ed)The Oxford Companion to Philosophy, Oxford University Press, 1995. Dio el ven concepii ‘me on’entitaa che la gh’ha minga de corp – idest che l’è transcendenta – e che tutt la pœu, che la sa tutt, che l’è indepertutt e che la ghe vœur ben a tucc.David Bordwell (2002). Catechism of the Catholic Church, Continuum International Publishing p. 84
Ind ona quaj religion Dio el gh’ha minga de gener sessual ma l’è consideraa nomà coma on prenzippi metafisegh; ind dij olter, inscambi, a ghe disen che l’è o on omm o ona donna. El pœu vèss concepii sia coma on’entitaa cont ona personalitaa, sia coma on quajcoss che l’è tropp grand e sconfinaa per posséd ona personalitaa compagna de quella dij omen normaj o dij olter creatur. Ind i filosofij teista, Dio l’è el creador e sostegnidor de l’univers intregh, inveci in quej deista lù l’è nomà el creador de tusscoss. Ind el panteesim a l’è l’univers midemm e ind el panenteesim l’univers l’è domà ona part piscininna de lù. Per quij che gh’hann minga de religion Dio l’esist propri nò, menter per i agnostegh l’esistenza de Dio la se pœu gnà savè e gnà provà. Dio el ven anca concepii ‘me la font de tutta la moralitaa ind la soa massima estension.
Ind i agn, on fracch de teolegh e filosef hann descuttii ins la prensenza o l’assenza de Dio e hann desvilupaa di tesi per provà tutt dò i posizion.Platinga, Alvin. God, Arguments for the Existence of, Routledge Encyclopedia of Philosophy, Routledge, 2000.
Anca de vardà Dia Dio ind el cristianesim Allah Realtaa ultima Teologia
Referenz
Olter progett
Categoria:Religion monoteista