El Giovanni "Gianni" Fava (Viadana, 8 de masg del 1968 l'è 'n ex politegh italian de la Lega Nord, incoeu dirigent sportiv, president del Rugby Viadana e consejer de la Federazzion Italiana Rugby e del World Rugby.
Biografia El Fava l'è nassud a Viadana, ma l'è stad de cà a Pomponesch, pajes de 'l che divegn sindegh cont el 48% di vot in del 1993.
Politega In del 1997 l'è elegiud al Consili Provincial de Mantoa e l'è elegiud an'mò sindegh.
In del 2011 a l'è candidad President de la Provincia de Mantoa, ma el perd, e l'è nomnad commissari de la sezion toscana de la Liga.
In del 2013 l'è nomnad assessor a l'agricoltura de la Lombardia in la Sgionta del Maron, e per quella reson chi el se dimet de deputad.
In del 2014 el finiss in sui sgiornai per havé sostegnud la legalizazzion di droeughe linsgere, prima sostegnud e poeu ostegiad del Maron.
A avril 2017 el nonzia de volé candidàss secretari de la Lega Nord contra del Matteo Salvini, cont un programa pussee orientad al Nord e a l'indipendentism, oltra che a l'identitarism, ma el perd in di primarie, cont el Salvin che 'l ciapa pussee del 80% di preferenze.
A luj del 2017 a l'è nomnad del Robert Maron 'me responsabel de la gestion del Referendum consultiv in su l'autonomia a nivell regional.
In di elezzion regionai del 2018 la Liga l'ha scernud de recandidàll no, 'sta scerna l'ha fad inrabì i agricoltor e i imprenditor, che hann domandad la soa reconferma.
Dopo de la politega Dopo del 2018 el se slontana de la politega ativa, ma la comenta despess in sui sgiornai e in sui so profil social. El 4 de november 2018 el nonzia formalment de dimetés de consilier comunal e de retiràss de la vita politega.
In del 2020 l'ha tolt part ai celebrazzion per i 200 agn de la mort del Carlo Porta fade de "Impariamo la Lingua Lombarda" e del canal YouTube "Lengua Lombarda".
In del 2021 l'è elesgiud in la Federazzion Italiana del Rugby e poeu 'me member del World Rugby. L'è anca president del Rugby Viadana.
Alter proget Citazioni del e in sul Gianni Fava
Riferiment Assessore leghista: sì alla cannabis Maroni prima ritwitta, poi smentisce Gianni Fava nuovo assessore regionale all’Agricoltura Elezioni provinciali 2011 - Mantova Gianni Fava è il commissario della Lega Nord Toscana Gli imprenditori stanno con Fava: «Va riconfermato» Gianni Fava membro del World Rugby
Categoria:Politegh italian Categoria:Nassud in del 1968 Categoria:Imprenditor italian